Лука 5:14 - Коми Библия 2023

¹⁴ Исус ӧлӧдіс сійӧс мукӧдлы та йылысь висьталӧмысь да тшӧктіс: «Мун, петкӧдлы асьтӧ поплы, сэсся Мӧисей тшӧктӧм серти аслад сӧстӧммӧмысь вай вись. Тадзи тӧдмаласны тэнад бурдӧм йылысь».

Лука 5:14 Kruisverwysings

Левит 13:2

«Кодлӧн кучик вылас лоӧ пыкӧс, карс либӧ чут, мый серти позьӧ чайтны, мый мортыслӧн проказа, сійӧс колӧ вайӧдны Аарон поп дінӧ либӧ Аарон рӧдысь мукӧд поп дінӧ.

Левит 13:49

Турунвиж либӧ гӧрдов чутыс кӧ лоӧ паськӧм вылын, шӧрт-дӧра вылын, кучик вылын либӧ кучикысь вӧчӧмтор вылын, сійӧс колӧ петкӧдлыны поплы, ӧд вермас лоны, мый тайӧ проказа.

Матвей 10:18

Ме вӧсна тіянӧс нуӧдасны юралысьяс да ӧксыяс водзӧ, медым найӧ да ентӧдтӧмъяс тӧдісны Ме йылысь.

Матвей 12:16

да ӧлӧдіс найӧс Сы йылысь висьтавлӧмысь.

Матвей 8:4

Исус шуис сылы: «Та йылысь некодлы эн висьтав. Мун, петкӧдлы асьтӧ поплы, сэсся Мӧисей тшӧктӧм серти вай вись. Тадзи тӧдмаласны тэнад бурдӧм йылысь».

Матвей 9:30

Найӧ кутісны аддзыны. Исус кыкнаннысӧ чорыда ӧлӧдіс: «Та йылысь некодлы энӧ висьтавлӧй».

Марк 1:44

«Та йылысь некодлы эн висьтав. Мун, петкӧдлы асьтӧ поплы, сэсся Мӧисей тшӧктӧм серти аслад сӧстӧммӧмысь вай вись. Тадзи тӧдмаласны тэнад бурдӧм йылысь».

Марк 6:11

Оз кӧ сибӧдны-кывзыны тіянӧс, сэтысь петіганыд пыркӧдӧй коксьыныд буссӧ. Тайӧ лоӧ найӧс ӧлӧдӧм. Веськыда висьтала тіянлы: мыждан лунӧ Содом да Гомора каръяслы лоас кокньыдджык сійӧ карыслы дорысь».

Лука 17:14

Исус видзӧдліс на вылӧ да шуис: «Мунӧй да петкӧдлӧй асьнытӧ попъяслы». Мунігкостіыс найӧ сӧстӧммисны.

Лука 5:13

Исус нюжӧдіс кисӧ, инмӧдчыліс сы дінӧ да шуис: «Кӧсъя. Сӧстӧммы». Висьысьлӧн дойясыс дзик пыр бырисны.

Лука 9:5

Оз кӧ сибӧдны тіянӧс, сэки карсьыс петіганыд пыркӧдӧй коксьыныд буссӧ. Тайӧ лоӧ найӧс ӧлӧдӧм».