Лука 4:6 - Коми Библия 2023

⁶ Сэсся шуис: «Сета Тэныд став мусӧ мичлун-озырлуннас, ӧд ставсӧ тайӧс сетӧма меным. Ме верма сетны сійӧс кодлы кӧсъя.

Лука 4:6 Kruisverwysings

Эсфир 5:11

Аман ошйысис налы аслас ыджыд озырлунӧн, ошйысис, мый сылӧн уна пи, и мый ӧксы ыдждӧдліс сійӧс да кыпӧдіс аслас юралысьясысь да веськӧдлысьясысь медвылӧ.

Исай 23:9

Господь Саваоф тадзи шуис лоны, медым янӧдны ышнясьысьясӧс да ошйысьысьясӧс, медым улӧ пуктыны найӧс, кодъясӧс вылӧ пуктісны му вылын.

Исай 5:14

Пыдӧстӧминыс воссяс, сійӧ паськыда восьтас ассьыс горшсӧ да ньылыштас нималана йӧзӧс и озыръясӧс, сійӧ ньылыштас став гажӧдчысь йӧзсӧ.

Лука 4:7

Копыртчылан кӧ меным, ставыс тайӧ лоӧ Тэнад».

Иоан 12:31

Ӧні тайӧ муюгыдсӧ лоӧ мыждӧма, муюгыдас ыджыдалысьсӧ лоӧ вӧтлӧма.

Иоан 14:30

Ог нин уна сёрнит тіянкӧд, ӧд тайӧ муюгыдас ыджыдалысьыс локтӧ нин. Ме вылын сійӧ ыджыдавны оз вермы.

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

2 Коринфӧ 11:14

Но тайӧ абу шензьӧданатор, ӧд ачыс сӧтана петкӧдлӧ асьсӧ югыдыслӧн анделӧн.

Ефесӧ 2:2

Ӧд водзынсӧ ті олінныд тайӧ муюгыдсаыс моз, енэж улас ыджыдалысь антуслысь кывзысьӧмӧн. Тайӧ пеж лолыс ӧнӧдз на веськӧдлӧ кывзысьтӧмъясӧн.

1 Петыр 1:24

Гижӧдыс висьталӧ: – Мортыс – турун кодь, сылӧн мичлуныс – дзоридз кодь. Турун косьмӧ, дзоридз усьӧ,

1 Иоан 5:19

Тӧдам, мый ми Енсянь, а став муюгыдыс омӧльыслӧн кипод улын.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Восьтӧм 13:2

Зверыс, кодӧс ме аддзылі, вӧлі леопард кодь. Сылӧн кокъясыс вӧліны ошлӧн кодьӧсь, а вомыс – левлӧн кодь. Гундыр сетіс сылы ассьыс вынйӧрсӧ, юралан пуклӧссӧ да ыджыдалан вынсӧ.

Восьтӧм 13:7

Сылы вӧлі сетӧма тышкасьны вежа войтыркӧд да вермыны найӧс. Сылы вӧлі сетӧма ыджыдавны быд чужанвуж да чужанкотыр вылын, быд кыла йӧз да быд войтыр вылын.