Лука 24:19 - Коми Библия 2023

¹⁹ Исус юаліс: «Мый лои?» Найӧ вочавидзисны: «Лёктор лои Назаретса Исускӧд. Тайӧ Мортыс Ен водзын да йӧз водзын кывнас и уджнас вӧлі вына пророк.

Лука 24:19 Kruisverwysings

Матвей 21:11

Йӧзыс шуалісны: «Тайӧ Исус, галилеяса Назарет карысь Пророк».

Марк 1:24

«Мый Тэныд колӧ миянсянь, Назаретса Исус? Тэ локтін бырӧдны миянӧс? Тӧда, коді Тэ. Тэ – Енлӧн Вежаыс!»

Лука 24:18

На пиысь Клеоп нима вочавидзис: «Буракӧ, Тэ дзик ӧтнад Ерусалимӧ локтысьясысь он тӧд, мый сэні лои тайӧ лунъясӧ?»

Лука 7:16

Ставнысӧ полӧм босьтіс. Енмӧс ошкигтыр шуалісны: «Ыджыд пророк миян пӧвстын! Ен локтіс отсавны Аслас войтырлы!»

Иоан 3:2

Войнас сійӧ локтіс Исус дінӧ да шуис Сылы: «Велӧдысьӧй, ми тӧдам, мый Тэ Енсянь локтӧм Велӧдысь. Тэ моз некод оз вермы вӧчны шензьӧданаторъяссӧ, оз кӧ ло сыкӧд Ен».

Иоан 4:19

Ань шуис Сылы: «Господьӧй, ме аддза, мый Тэ – пророк.

Иоан 6:14

Сэки найӧ, кодъяс аддзылісны Исуслысь шензьӧданатор вӧчӧмсӧ, шуисны: «Тайӧ збыльысь сійӧ Пророкыс, кодлы колӧ вӧлі локны муюгыдас».

Иоан 7:52

Сылы вочавидзисны: «Гашкӧ, тэ тшӧтш Галилеяысь? Лыддьы Гижӧдсӧ да тэ аддзан, мый Галилеяысь пророкыд оз лок».

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Ап. уджъяс 2:22

Израиль войтыр, кывзӧй! Назаретса Исусӧс сувтӧдіс тіянлы Ачыс Енмыс. Сійӧ петкӧдліс тайӧс тіянлы шензьӧданаторъясӧн да индысьпасъясӧн, кодъясӧс вӧчис тіян пӧвстын Исус пыр. Тайӧс ті асьныд тӧданныд.

Ап. уджъяс 7:22

Мӧисейӧс велӧдісны египетса став мывкыдлунӧ, сылӧн сёрниыс да уджъясыс вӧліны тӧдчанаӧсь.

Индӧд 18:15

«Господь, тіян Енныд, сувтӧдас вокъяс пӧвстсьыныд ме кодь пророкӧс тіянлы. Сійӧс кывзӧй.