Лука 23:56 - Коми Библия 2023

⁵⁶ Дзебанінысь воӧм бӧрын аньяс дасьтісны чӧскыд дука мавтасъяс, а шойччан лунӧ Индӧд серти найӧ шойччисны.

Лука 23:56 Kruisverwysings

2 Каднебӧг 16:14

Сійӧс дзебисны Давид карӧ дзебанінӧ, мый сійӧ водзвыв вӧлі дасьтӧма аслыс. Куйланіныс вӧлі тырӧма чӧскыд ӧвтанторъясӧн да мавтасъясӧн. Асаӧс казьтывлӧм могысь пестісны ыджыд бипур.

Петӧм 31:14

Энӧ торкӧй шойччан лунсӧ, ӧд тайӧ луныс тіянлы вежа. Коді пежалас шойччан лун, сійӧс колӧ вины. Коді тайӧ лунӧ кутас уджавны, сійӧс лоӧ бырӧдӧма аслас войтыр пӧвстысь.

Марк 16:1

Шойччан лун бӧрын Магдала Марья, Яковлӧн Марья мамыс да Саломия ньӧбисны чӧскыд дука выйяс, медым мавтны Исусӧс.

Лука 24:1

Шойччан лун бӧрын водз асывнас дасьтӧм мавтасъясӧн аньяс локтісны дзебанінӧ. Накӧд вӧліны нӧшта мукӧдъяс.

Индӧд 5:14

а сизимӧд луныс шойччан лун, торйӧд сійӧс Господьлы, аслад Енлы. Тайӧ лунӧ тэ, тэнад ныв-пиыд, кесйӧгыд, кесйӧг аньыд, тэнад ӧшкыд, осёлыд, став ыж-мӧскыд да йӧз муысь локтысьыд, коді олӧ тэ ордын, некутшӧм удж энӧ вӧчӧй. Тэнад кесйӧгыд, кесйӧг аньыд [да осёлыд] мед тэ моз шойччасны.