Лука 23:2 - Коми Библия 2023

² Найӧ мыжалӧмӧн висьталісны: «Ми аддзылім, мый тайӧ Мортыс шызьӧдӧ миянлысь войтырӧс, ӧлӧдӧ кесарлы вот мынтӧмысь, асьсӧ ыдждӧдлӧ ӧксыӧн да Кристосӧн».

Лука 23:2 Kruisverwysings

Ӧксыяслӧн 3 небӧг 18:17

и кор паныдасис Иллякӧд, шуис сылы: «Тэ-ӧ тайӧ, Израильлы шогсӧ вайысьыс?»

Псалтыр 35:11

Енмӧй, нюжӧд Ассьыд буралӧмтӧ Тэнӧ тӧдысьяс дінӧ, петкӧдлы Ассьыд веськыдлунтӧ сӧстӧм сьӧлӧмаяслы.

Псалтыр 62:4

Ӧд Тэнад буралӧмыд олӧм дорысь на бурджык. Менам вомӧй ошкӧ Тэнӧ.

Еремей 20:10

Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».

Еремей 38:4

Юралысьяс шуисны ӧксылы: «Тайӧ мортсӧ колӧ вины. Ӧд сылӧн кывъясысь карас кольӧм тышкайӧз да став войтырыс эбӧссьыс усьӧны. Тайӧ мортыс оз бурсӧ кӧсйы тайӧ войтырыслы, а сӧмын лёксӧ».

Амос 7:10

Вефильса Амасей поп мӧдӧдіс мортӧс израильса Еровам ӧксы дорӧ висьтавны: «Амос кыпӧдӧ Израиль войтырӧс тэныд паныд. Сылӧн сёрниыс бырӧдас мутӧ.

Закар 11:8

Ӧти тӧлысьӧн ме вӧтлі куим видзысьӧс, дӧзми тшӧтш ыжъяс вылӧ, и найӧ мустӧмтісны менӧ.

Матвей 17:27

Мед оз дӧзмыны найӧ, мун ты дорас да чӧвт вугыртӧ. Медводдза шедӧм чери вомсьыс тэ аддзан эзысь сьӧм. Босьт сійӧс да мынты налы Ме пыдди и ас пыддиыд».

Матвей 22:21

Найӧ вочавидзисны: «Кесарлӧн». Исус шуис налы: «Кесарлысь сетӧй кесарлы, а Енлысь – Енлы».

Матвей 27:11

Исусӧс вайӧдісны юралысь водзӧ. Юралысь юаліс: «Тэ-ӧ иудейяслӧн Ӧксыыс?» Исус вочавидзис: «Тэ шуан».

Марк 12:17

Исус шуис налы: «Кесарлысь сетӧй кесарлы, а Енлысь – Енлы». Исус шемӧсмӧдіс найӧс.

Марк 15:2

Пилат юаліс Исуслысь: «Тэ-ӧ иудейяслӧн Ӧксыыс?» Исус вочавидзис: «Тэ шуан».

Лука 23:14

сэсся шуис налы: «Ті вайӧдінныд тайӧ Мортсӧ ме водзӧ да мыжаланныд Сійӧс йӧзсӧ шызьӧдӧмысь. Ме тіян дырйи юаси Сійӧс да эг аддзы мыжсӧ. Сійӧ абу мыжа, мыйысь ті Сійӧс мыжаланныд.

Лука 23:5

Но найӧ ӧтарӧ мыжалісны: «Велӧдӧмнас Сійӧ шызьӧдӧ йӧзсӧ став Иудея му пасьтала. Пондіс шызьӧдны Галилеяын, ӧні татчӧдз воис».

Иоан 18:29

Пилат петіс на дінӧ да шуис: «Мыйысь ті мыжаланныд тайӧ Мортсӧ?»

Иоан 18:30

Найӧ вочавидзисны: «Эз кӧ вӧв Сійӧ лёк вӧчысь, ми эськӧ эгӧ вайӧдӧй Сійӧс тэ дінӧ».

Иоан 19:12

Та бӧрти Пилат збыльысь кӧсйис лэдзны Исусӧс, но иудейяс горзісны: «Сійӧс кӧ лэдзан, кесарлы тэ абу ёрт. Ӧд коді пуктӧ асьсӧ ӧксыӧ, сійӧ паныд сувтӧ кесарлы».

Ап. уджъяс 24:13

Та вӧсна найӧ оз вермыны подулавны ассьыныс мыжалӧмнысӧ.

Ап. уджъяс 24:5

Ми аддзылім: тайӧ мортыс пежалӧ гӧгӧр да став му пасьтала шызьӧдӧ иудей войтырӧс. Сійӧ назаретса велӧдӧмӧ кутчысьысьяслӧн веськӧдлысь.

Римӧ 13:7

Сідзкӧ, сетӧй быдӧнлы коланасӧ: кодлы вот сетны – сылы вот сетӧй, кодлы мын – сылы мын, кодысь колӧ повны – сыысь полӧй, кодӧс колӧ пыдди пуктыны – сійӧс пыдди пуктӧй.