Лука 23:19 - Коми Библия 2023

¹⁹ Варавва пукаліс дзескыдінын карас зык лэптӧмысь да мортӧс виӧмысь.

Лука 23:19 Kruisverwysings

Марк 15:7

Сэки дзескыдінын пукалісны зык лэптысьяс. На лыдын тшӧтш вӧлі Варавва. Зык дырйиыс найӧ мортӧс виӧмаӧсь.

Лука 23:18

Став йӧзыс горӧдісны: «Вины Сійӧс! Лэдз миянлы Варавваӧс!»

Лука 23:2

Найӧ мыжалӧмӧн висьталісны: «Ми аддзылім, мый тайӧ Мортыс шызьӧдӧ миянлысь войтырӧс, ӧлӧдӧ кесарлы вот мынтӧмысь, асьсӧ ыдждӧдлӧ ӧксыӧн да Кристосӧн».

Лука 23:20

Пилат бара шыасис йӧз дінӧ, ӧд кӧсйис лэдзны Исусӧс.

Лука 23:5

Но найӧ ӧтарӧ мыжалісны: «Велӧдӧмнас Сійӧ шызьӧдӧ йӧзсӧ став Иудея му пасьтала. Пондіс шызьӧдны Галилеяын, ӧні татчӧдз воис».

Ап. уджъяс 21:38

Абу-ӧ тэ сійӧ египетсаыс, коді неважӧн зык лэптіс да петкӧдіс овтӧминӧ нёль сюрс лёк вӧчысьӧс?»

Ап. уджъяс 3:14

Ті соссинныд Вежаысь да Веськыда Олысьысь, коринныд лэдзны морт виысьӧс.