Лука 21:23 - Коми Библия 2023

²³ Сійӧ лунъясӧ ёна сьӧкыд лоӧ нӧбасьысьяслы да нёньӧдчысьяслы. Тайӧ мусӧ ыджыд шог суас, да тайӧ войтыр вылас киссяс скӧрлуныс.

Лука 21:23 Kruisverwysings

Бӧрданкыв 4:10

Небыд сьӧлӧма мамъяс пуисны ассьыныс челядьнысӧ, менсьым войтырӧс бырӧдан кадӧ кагаясныс лоины налы сёянӧн.

Даниил 8:19

Сійӧ шуис меным: «Ме восьта тэныд, мый лоӧ бӧръя скӧралан лунъясӧ. Ӧд сійӧ, мый тэ аддзылін, висьталӧ урчитӧм бӧръя кад йылысь.

Матвей 21:16

Исуслы шуисны: «Кылан-ӧ, мый найӧ шуалӧны?» Исус вочавидзис: «Кыла. Ті ӧмӧй энӧ лыддьылӧй: ”Челядь да морӧсбердса кагаяс вомсянь Тэ кыпӧдан Аслыд ошкӧмсӧ”».

Матвей 21:41

Сылы вочавидзисны: «Тайӧ лёк йӧзсӧ сійӧ лёкнога виас. Виноград йӧрсӧ кӧртымӧ сетас мукӧдлы, кодъяс индӧм кадӧ сетасны сылы вотӧсысь пайсӧ».

Матвей 21:44

Коді усяс тайӧ изйыс вылӧ, сійӧ пасьмунас. Код вылӧ изйыс усяс, сійӧс лямӧдас».

Матвей 24:19

Сійӧ лунъясӧ ёна сьӧкыд лоӧ нӧбасьысьяслы да нёньӧдчысьяслы.

Марк 13:17

Сійӧ лунъясӧ ёна сьӧкыд лоӧ нӧбасьысьяслы да нёньӧдчысьяслы.

Лука 19:27

Менӧ мустӧмтысьясӧс, менам юралӧмлы паныд сувтысьясӧс вайӧдӧй татчӧ да виӧй найӧс менам син водзын”».

Лука 19:43

Воас лун, кор тэнад вӧрӧгъяс лэптасны тэ гӧгӧр тымӧд, кытшаласны тэнӧ да быд боксянь дзескӧдасны.

Лука 23:29

Воасны лунъяс, кор шуасны: ”Шудаӧсь нӧбасьлытӧмъяс, кага вайлытӧмъяс да морӧснас нёньӧдлытӧмъяс”.

1 Коринфӧ 7:26

Ме чайта, тайӧ сьӧкыд кадас мортлы бурджык ӧткӧн кольччыны.

1 Фессалоникаӧ 2:16

Найӧ оз лэдзны миянлы бурвисьтавлыны ентӧдтӧмъяслы, медым найӧ мездмисны. Тадзи найӧ содтӧны ассьыныс мыжъяссӧ. Но Енлӧн скӧрлуныс суис нин найӧс.

Еврейяслы 13:16

Энӧ вунӧдӧй вӧчны бурсӧ, юксьӧй сійӧн, мый эм. Ӧд татшӧм висьыс шогмана Енмыслы.

Яков 5:1

Ӧні висьтала тіянлы, озыръяс: сыркъялӧмӧн бӧрдӧй, ӧд тіянӧс суасны шогъяс.

1 Петыр 4:17

Мыждан кадыс матын нин, и медводз Енмыс кутас мыждыны Ассьыс войтырсӧ. Сідзкӧ, медводз кӧ кутас мыждыны миянӧс, сэки мый виччысьӧ найӧс, кодъяс оз кывзысьны Енлӧн Евангелльӧлысь?