Лука 21:1 - Коми Библия 2023

¹ Исус видзӧдліс да аддзис, кыдзи озыръяс пуктісны сьӧм чукӧртан кудйӧ вайӧмторъяс.

Лука 21:1 Kruisverwysings

Ӧксыяслӧн 3 небӧг 14:26

Сійӧ босьтіс Господьлӧн крамысь да ӧксылӧн керкаысь став озырлунсӧ [тшӧтш зарни сайӧдъяс, кодъясӧс Давид босьтліс цоваса Ададезер ӧксылӧн кесйӧгъяслысь да вайис Ерусалимӧ]. Босьтіс тшӧтш Соломонӧн вӧчӧдӧм зарни сайӧдъяссӧ.

Ӧксыяслӧн 4 небӧг 12:9

Иодай поп босьтіс куд, вӧчис вевт вылас розь да пуктіс кудсӧ Господьлӧн крам пыранінӧ, висьпуктанін веськыдладорӧ. Пыранін видзысь попъяс локтысьяслысь вайӧм сьӧмсӧ чӧвталісны кудйӧ.

Ӧксыяслӧн 4 небӧг 24:13

Навукодоносор босьтіс Господьлӧн крамысь да ӧксы керкаысь став озырлунсӧ. Сійӧ жугліс став зарни дозмук-кӧлуйсӧ, мый коркӧ вӧчліс израильса Соломон ӧксы Господьлӧн крамын кесъялӧм вылӧ. Тадзи иніс Господьлӧн шуӧмыс.

2 Каднебӧг 36:18

Господь Енлӧн крамысь став дозмук-кӧлуйсӧ, ыджыдӧс и ичӧтӧс, крамысь став озырлунсӧ, ӧксылысь да сылӧн киподувса юралысьяслысь озырлунсӧ – ставсӧ вайисны Вавилонӧ.

Неемий 13:13

Крам видзанінӧ кывкутысьясӧн ме инді Шелемей попӧс, Индӧдӧ велӧдысь Садокӧс да левитъяс пӧвстысь Педайӧс, а Маттанай Заккурлысь Ханан писӧ пукті налы отсасьысьӧн. Тайӧ йӧзыслы позис эскыны. Налы вӧлі тшӧктӧма юклыны вайӧмторъяссӧ асланыс вокъяслы.

Матвей 27:6

Аркирейяс сьӧмсӧ чукӧртӧм бӧрын шуисны: «Оз позь тайӧ сьӧмсӧ пуктыны крамса сьӧм видзанінӧ, сійӧ вирлӧн дон».

Лука 20:47

Найӧ куштӧны дӧваяслысь керкасӧ да асьнысӧ петкӧдлӧм могысь дыр кевмысьӧны. Но найӧс лоӧ чорыда мыждӧма».

Иоан 8:20

Тайӧ кывъяссӧ Исус висьталіс крамын велӧдігӧн, сьӧм чукӧртан куд дорын. Сэки Сійӧс некод эз босьт, ӧд Сылӧн кадыс эз на во.

Нав Исус 6:19

Попъяс букӧстісны буксанӧн. И кор Израиль войтыр кыліс тайӧ шысӧ, найӧ кутісны гораа горзыны. Карса стенмыс подулӧдзыс киссис. Войтырыс пырис карас сэтысянь, кӧні коді сулаліс. Карсӧ вӧлі босьтӧма.

Нав Исус 6:24

Раавӧс, кырсалысь аньӧс, сылысь став гортсасӧ да батьыслысь рӧдсӧ Исус ловйӧн колис. Раавлӧн рӧдыс ӧнӧдз олӧ израильсаяс пӧвстын, ӧд сійӧ дзебліс ас ордас Ерикон карӧ кыйӧдчыны волысьясӧс, кодъясӧс мӧдӧдліс Исус.