Лука 2:25 - Коми Библия 2023

²⁵ Сэки Ерусалимын вӧлі Симеон нима вежавидзысь морт. Сійӧ оліс веськыда да виччысис Израильӧс мездӧм. Вежа Лов вӧлі сы вылын.

Лука 2:25 Kruisverwysings

Олӧм 6:9

Ной да сысянь чужысьяс йылысь. Сійӧ кадас сӧмын Ной оліс веськыда да кывзысис Енлысь. Сійӧ вӧлі сӧстӧм сьӧлӧма морт.

Иов 1:1

Уц муын оліс Иов нима морт. Сійӧ вӧлі сӧстӧм сьӧлӧма веськыд морт, поліс Енсьыс да ӧтдортчис лёксьыс.

Иов 1:8

«Казялін-ӧ Менсьым Иов кесйӧгӧс? – юаліс Господь. – Му вылас ӧд сы кодь мӧдыс абу. Сійӧ сӧстӧм сьӧлӧма веськыд морт, полӧ Енсьыс да ӧтдортчӧ лёксьыс».

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Исай 40:1

Бурӧдӧй, бурӧдӧй Менсьым войтырӧс, – тшӧктӧ тіян Енныд. –

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Лыд 11:25

Господь лэччис кымӧр пытшкын да сёрнитіс Мӧисейкӧд, сэсся Мӧисей вылысь Ловсӧ юкис да сетіс сизимдаснан юрнуӧдысьыслы. Кор Лолыс лэччис юрнуӧдысьяс вылӧ, найӧ кутісны пророкавны. Но бӧрынджык найӧ эз нин пророкавны.

Лыд 11:29

Но Мӧисей шуис сылы: «Ме вӧсна-ӧ тэ тӧждысян? Ме эськӧ кӧсйи, медым Господь став Аслас войтыр вылӧ мӧдӧдіс Ассьыс Ловсӧ, и ставныс вӧліны пророкъясӧн!»

Марк 15:43

Аримафея карысь воис Ӧсип, веськӧдлан котырысь пыдди пуктана морт. Сійӧ виччысис Ен Юралӧмлысь воӧмсӧ. Сійӧ повтӧг муніс Пилат дінӧ да корис Исуслысь шойсӧ.

Лука 1:41

Мариялӧн чолӧмалӧмысь Елизаветалӧн кынӧмас кагаыс чеччыштліс. Елизавета тырис Вежа Лолӧн

Лука 1:6

Найӧ кыкнанныс олісны Ен водзын веськыда, ставсӧ вӧчисны Господьлӧн тшӧктӧм серти.

Лука 1:67

Кагалӧн Закар батьыс тырис Вежа Лолӧн да пондіс пророкавны:

Лука 2:38

Буретш Симеонлӧн висьталігӧн сійӧ матыстчис, пондіс ошкыны Енмӧс да висьтавлыны кага йылысь ставныслы, Ерусалимын мездмӧмсӧ виччысьысьяслы.

Ап. уджъяс 10:2

Сійӧ вӧлі вежавидзысь морт, ачыс да сылӧн гортсаыс олісны Енмысь полӧмӧн. Корнилий отсасис гӧль иудейяслы да пыр кевмысис Енлы.

Ап. уджъяс 10:22

Найӧ висьталісны: «Миянӧс мӧдӧдіс Корнилий, сё тышкамортӧн веськӧдлысьным. Сійӧ веськыда олысь да Енмысь полысь морт, иудей войтыр сійӧс пыдди пуктӧ. Вежа андел тшӧктӧма сылы корны тэнӧ гортас, мед кывзыны тэнсьыд висьталӧмтӧ».

Ап. уджъяс 2:5

Сійӧ кадас Ерусалимын олісны му пасьталаысь локтӧм вежавидзысь иудейяс.

Ап. уджъяс 24:16

Ме век зіля овны Ен водзын да йӧз водзын сӧстӧм сьӧлӧмӧн.

Индӧд 18:15

«Господь, тіян Енныд, сувтӧдас вокъяс пӧвстсьыныд ме кодь пророкӧс тіянлы. Сійӧс кывзӧй.

2 Петыр 1:21

Ӧд пророкалӧм некор эз вӧв мортлӧн кӧсйӧмсянь, сійӧс висьтавлісны Вежа Лов ышӧдӧмсянь Енлӧн вежа йӧзыс.