Лука 18:22 - Коми Библия 2023

²² Тайӧс кылӧм бӧрын Исус шуис сылы: «Ӧтитор оз тырмы тэныд: вузав ставсӧ, мый тэнад эм, а сьӧмсӧ сет гӧльяслы. Сэки тэныд енэжын озырлуныс вичмас. Сэсся лок Ме бӧрся».

Лука 18:22 Kruisverwysings

Псалтыр 27:4

Мынтысь налы уджъясныс да лёк вӧчӧмныс серти, мынтысь налы сы серти, мый вӧчисны асланыс киӧн. Сет налы сійӧ, мый асьныс корсисны.

Матвей 19:21

Исус шуис: «Кӧсъян кӧ тырвыйӧ бурӧн лоны, мун, овмӧстӧ вузав, а сьӧмсӧ сет гӧльяслы. Сэки тэныд енэжын озырлуныс вичмас. Сэсся лок Ме бӧрся».

Лука 10:42

а коланаыс сӧмын ӧтитор. Марья бӧрйис бурджыксӧ, и тайӧс сылысь оз мырддьыны».

Лука 12:33

Вузалӧй ассьыныд овмӧстӧ, сьӧмсӧ сетӧй гӧльяслы. Лӧсьӧдӧй аслыныд важмытӧм видзанінъяс да чӧжӧй бырлытӧм озырлун енэжӧ. Сэтчӧ гусясьысь оз пыр да сэні воз оз сёй.

Лука 16:9

Висьтала тіянлы: лӧсьӧдӧй аслыныд ёртъяснытӧ мувывса ылӧг озырлун отсӧгӧн, медым озырлунныд бырӧм бӧрын найӧ сибӧдасны тіянӧс бырлытӧм оланінӧ».

Лука 18:21

Юралысь шуис: «Том кадсянь ме ола тайӧ тшӧктӧмъяс сертиыс».

Лука 18:23

Тайӧс кылӧм бӧрын юралысь шогӧ усис, ӧд сійӧ вӧлі зэв озыр.

Лука 9:23

Исус шуис ставныслы: «Коді кӧсйӧ мунны Ме бӧрся, мед вунӧдас асьсӧ, мед босьтас ассьыс крестсӧ да локтас Ме бӧрся.

Филипӧ 3:13

Вокъяс, ме ог шу, мый вои нин тыр-бурас, но важсӧ вунӧдӧмӧн зіля мунны водзӧ

2 Петыр 3:8

Мусаясӧй, кутӧй тӧд выланыд, мый Господьлӧн ӧти луныс сюрс во кодь, сюрс воыс – ӧти лун кодь.