Лука 13:15 - Коми Библия 2023

¹⁵ Господь воча шуис: «Кык бана шаньга! Шойччан лунӧ ті ӧмӧй онӧ разьлӧй лясни дорысь ӧш-осёлнытӧ да онӧ нуӧдлӧй найӧс юктавны?

Лука 13:15 Kruisverwysings

Иов 34:30

медым Ентӧг олысь эз ыджыдав, эз ло войтырыслы налькйӧн.

Шусьӧгъяс 11:9

Ентӧг олысь аслас вомнас дойдӧ-бырӧдӧ матыссасӧ, веськыда олысьӧс тӧдӧмлуныс мездӧ.

Исай 29:20

сыысь, мый водзӧ оз нин лоны дзескӧдысьяс, омӧльтысьяс бырасны, лёк вӧчысьясӧс лоӧ бырӧдӧма,

Матвей 15:14

Кольӧй найӧс. Найӧ синтӧмӧсь, и синтӧмъясӧс нуӧдӧны. Синтӧм кӧ нуӧдӧ синтӧмӧс, кыкнанныс гуранӧ усясны».

Матвей 15:7

Кык бана шаньгаяс! Бура шуӧма тіян йылысь Исай пророк:

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Матвей 23:28

Ортсысяньныд, видзӧдны кӧ, веськыда олысьяс кодьӧсь, а пытшкӧсныд пӧръясьӧмӧн да лёк вӧчӧмӧн тырӧма.

Матвей 7:5

Кык бана шаньга! Водзджык аслад синмысь керсӧ перйы, сэки вокыдлӧн синмысь ёгторсӧ верман перйыны.

Лука 12:1

Сэккості чукӧрмис уна сюрс морт, найӧ весиг дзескӧдісны ӧта-мӧднысӧ. Исус медводз шыасис велӧдчысьяс дінас: «Видзчысьӧй фарисей няньшомысь, налӧн кодь кык бана оласногысь.

Лука 14:5

Исус бара юаліс: «Шойччан лунӧ кӧ тіян осёлныд либӧ ӧшныд усяс юкмӧсӧ, онӧ ӧмӧй пырысьтӧм-пыр лэптӧй сійӧс сэтысь?»

Лука 6:42

Кыдзи тэ верман шуны вокыдлы: ”Вай перъя синсьыд ёгторсӧ”, аслад синмысь кӧ керсӧ он аддзы? Кык бана шаньга! Водзджык аслад синмысь керсӧ перйы, сэки вокыдлӧн синмысь ёгторсӧ верман перйыны».

Лука 7:13

Господьлӧн сьӧлӧмыс нормис дӧва вӧсна, Сійӧ шуис аньлы: «Эн бӧрд».

Лука 7:19

Иоан корис ас дінас на пиысь кыкӧс да мӧдӧдіс найӧс Исус дінӧ юавны, збыльысь-ӧ Исус сійӧ, кодлы колӧ локнысӧ, али налы мӧдӧс виччысьны.