Лука 12:42 - Коми Библия 2023

⁴² Господь шуис: «Лоӧй эскана да мывкыд кесйӧг кодьӧсь. Татшӧмсӧ ыджыдыс пуктас веськӧдлыны мукӧд кесйӧгъясӧн, медым ас кадӧ сетны налы сёян-юан.

Лука 12:42 Kruisverwysings

Петӧм 36:4

Сэки киподтуя йӧз, кодъяс вӧчисны вежаинсӧ, локтісны

Шусьӧгъяс 12:8

Мортӧс ошкӧны сылӧн мывкыдыс серти, лёкӧн тырӧм сьӧлӧмаӧс зывӧктӧны.

Шусьӧгъяс 15:23

Нимкодь, вочавидзнытӧ кӧ верман, бур, ас кадӧ кӧ кывтӧ шуны кужан!

Шусьӧгъяс 27:18

Коді быдтас инжир пу, вотӧссӧ сэтысь сёяс, коді доръяс ассьыс ыджыдсӧ, сійӧс пыдди пуктасны.

Шусьӧгъяс 31:15

Водз асывсянь чеччӧ, дасьтӧ гортсаыслы сёян, кесйӧг аньяслы индӧ удж.

Исай 50:4

Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.

Еремей 23:4

Ме бӧръя да сувтӧда налы видзысьясӧс, кодъяс кутасны тӧждысьны на вӧсна, и найӧ оз нин кутны повны-тіравны да оз нин кутны вошны, – висьталӧ Господь».

Езекиль 34:3

Ті сэтшӧм ыж видзысьяс, кодъяс начкӧны тшӧг ыжъяссӧ да сёйӧны налысь госсӧ, пасьталӧны вурун паськӧм, но ыж чукӧр вӧсна оз тӧждысьны.

Матвей 13:52

Исус шуис налы: «Индӧдӧ велӧдысь, коді тӧдӧ Енэжвыв Юралӧмсӧ, керка кутысь кодь, коді аслас видзанінысь выльсӧ и важсӧ петкӧдӧ».

Матвей 20:8

Рытнас овмӧс кутысь шуас уджӧн веськӧдлысьыслы: ”Кор уджалысьястӧ да мынтысь налы. Сёрӧнджык локтӧмаяслы мынты водзджык, сэсся водзынджык локтӧмаяслы”.

Лука 12:43

Кесйӧгыс шуда, ыджыдыс кӧ гортас воигӧн аддзас сійӧс тадзи вӧчӧмӧн.

Лука 7:13

Господьлӧн сьӧлӧмыс нормис дӧва вӧсна, Сійӧ шуис аньлы: «Эн бӧрд».

Лука 7:19

Иоан корис ас дінас на пиысь кыкӧс да мӧдӧдіс найӧс Исус дінӧ юавны, збыльысь-ӧ Исус сійӧ, кодлы колӧ локнысӧ, али налы мӧдӧс виччысьны.

Ап. уджъяс 20:28

Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.

1 Тимофейлы 3:15

медым, падма кӧ, тэ тӧдін, кыдзи кутны асьтӧ Ен керкаын, ловъя Енлӧн вичкоын. Ӧд вичкоыс эм збыльыслӧн сюръяыс да подулыс.

1 Тимофейлы 5:17

Вичкоса юрнуӧдысьясӧс, кодъяс бура уджалӧны, колӧ вылӧ донъявны, торйӧн нин Ен кыв висьталысьясӧс да велӧдысьясӧс. Колӧ бура мынтысьны налы.

2 Тимофейлы 4:2

ло дась висьтавны Енлысь кывсӧ лӧсялан и лӧсявтӧм кадӧ. Бур велӧдысь моз терпитӧмӧн янӧд, ӧлӧд да туйдӧд.

Титлы 1:7

Вичкоса веськӧдлысьӧн вермӧ лоны сӧмын бур оласнога морт, ӧд сылы сетӧма вӧчны Енлысь удж. Мед сійӧ эз вӧв асныра, эз вӧв дӧзмысь, эз ю, эз усьлась мукӧд вылӧ, аслыс эз курав,

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

Еврейяслы 13:7

Энӧ вунӧдӧй ассьыныд веськӧдлысьяснытӧ, ӧд найӧ висьтавлісны тіянлы Енлысь кывсӧ. Видзӧдӧй налӧн олӧм пом вылӧ да эскӧй на моз.

Еврейяслы 3:5

Мӧисей кывзысьӧмӧн кесъяліс Ен керкаын, но сійӧ вӧлі сӧмын кесъялысь. Аслас олӧмнас сійӧ водзвыв петкӧдліс, мый Енмыс кӧсйис висьтавны бӧрынджык.

1 Петыр 4:10

Енмыслӧн сетӧмторйыс унапӧлӧс. Сійӧ быдӧнлы козьналіс сетӧмторсӧ, медым ті кесъялінныд ӧта-мӧдныдлы. Сідзкӧ, бур ногӧн вӧдитчӧй Енсянь сетӧмторнас.