Лука 12:15 - Коми Библия 2023

¹⁵ Сэсся шуис ставныслы: «Видзчысьӧй горшасьӧмысь, ӧд мортыдлӧн олӧмыс абу сылӧн ыджыд озырлун сайын».

Лука 12:15 Kruisverwysings

Ӧксыяслӧн 3 небӧг 2:40

Шимей пуксис осёл вылӧ да муніс Гефӧ Акиш дінӧ корсьны ассьыс кесйӧгъяссӧ. Тадзи Шимей бӧр вайӧдіс кесйӧгъяссӧ Гефысь.

Иов 2:4

Сӧтана воча шуис Господьлы: «Аслас вир-яй вӧсна мортыд сетас ставсӧ, мый сылӧн эм.

Псалтыр 10:3

Кор жугӧдӧма подувсӧ, мый вермас вӧчны веськыда олысь?

Псалтыр 37:16

Господьӧй, Тэ вылӧ ме лача кута, Господьӧй Енмӧй, Тэ вочавидзан меным.

Псалтыр 62:10

Найӧс, кодъяс кӧсйӧны босьтны менсьым олӧмӧс, лоӧ шыбитӧма пыдӧстӧм гуӧ.

Шусьӧгъяс 15:16

Ыджыд озырлун да майшасьӧм дорысь бурджык этшаникыс да Господьысь полӧм.

Шусьӧгъяс 16:16

Зарни дорысь бурджык мывкыдлун чӧжны, эзысь чӧжӧм дорысь бурджык вежӧрсявны.

Шусьӧгъяс 28:16

Вежӧртӧм юралысь дзескӧдӧ войтырсӧ, а коді оз горшась, сылӧн нэмыс кузь.

Еремей 6:13

Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

Микей 2:2

Ковмас кӧ налы му – мырддясны, ковмас кӧ керка – босьтасны. Найӧ дзескӧдӧны мортӧс да сылысь гортсаяссӧ, куштӧны керка-овмӧссӧ.

Аввакум 2:9

Курыд шог сылы, коді ылӧдлӧмӧн шедӧдӧ аслыс озырлунсӧ, коді лӧсьӧдӧ ассьыс позсӧ кыдз позьӧ вылӧджык, медым лёкыс эз судзӧд сійӧс.

Марк 7:22

гусясьӧм, горшасьӧм, лёк вӧчӧм, ылӧдчӧм, лэдзчысьӧм оласног, колысь син, омӧльтӧм, асьсӧ вылӧ пуктӧм да мывкыдтӧмлун.

Лука 12:16

Исус висьталіс налы велӧданвисьт: «Озыр мортлӧн муыс бур быдтас сетас.

Лука 16:14

Тайӧс кывлісны фарисейяс. Найӧ сералісны Исусӧс, ӧд налы вӧлі муса озырлуныс.

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

Лука 8:14

Лежнӧг пӧвстӧ усьӧм кӧйдысыс петкӧдлӧ: мортыс кылӧ Енлысь кывсӧ, но быдлунъя тӧждыс, озырлуныс да лышкыда олӧмыс пӧдтӧ кӧдзӧм кывсӧ, и сійӧ оз вай вотӧссӧ.

1 Коринфӧ 6:10

гусясьысьлы, горшасьысьлы, кодалысьлы, суклясьысьлы да мырддялысьлы – татшӧм йӧзыслы оз вичмы Енлӧн Юраланіныс.

Колосӧ 3:5

Та вӧсна бырӧдӧй ас пытшсьыныд мувывсасӧ: кырсалӧм, пеж оласног, лёкколӧм, лёк вылӧ ыштӧм да горшасьӧм. Горшасьӧмыс лоӧ сійӧ жӧ мый идоллы юрбитӧм.

2 Тимофейлы 3:2

Йӧзыс пондасны радейтны сӧмын асьнысӧ, ыштыны сьӧм вылӧ, пондасны ошйысьны, асьнысӧ вылӧ пуктыны, Енсӧ омӧльтны, бать-мамсӧ оз кутны кывзыны. Найӧ ӧдйӧ вунӧдӧны бурсӧ, эскытӧмӧсь,

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.

Нав Исус 7:21

Тышын шедӧдӧмтор пӧвстысь ме аддзи сеннарсаяслысь мича паськӧм, кыксё сикель мында эзысь да зарни ёкмыль, мый сьӧктанас вӧлі ветымын сикель. Ме ышті та вылӧ, босьті да дзеби чом улӧ, муас. Эзысьсӧ пыдӧджык дзебӧма».

2 Петыр 2:14

Налӧн синныс пыр ӧзъялӧ нывбабаяс вылӧ, найӧ оз пӧтлыны мыжсӧ вӧчӧмсьыс, ылӧдлӧны жеб эскысьясӧс. Сьӧлӧмныс налӧн тырӧма горшлунӧн, найӧ ёрӧмыслӧн пиян.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.