Лука 12:1 - Коми Библия 2023

¹ Сэккості чукӧрмис уна сюрс морт, найӧ весиг дзескӧдісны ӧта-мӧднысӧ. Исус медводз шыасис велӧдчысьяс дінас: «Видзчысьӧй фарисей няньшомысь, налӧн кодь кык бана оласногысь.

Лука 12:1 Kruisverwysings

Ӧксыяслӧн 4 небӧг 7:17

Войтыр бӧрся видзӧдӧм могысь ӧксы сувтӧдіс карса дзиръя дорӧ тышкайӧзӧн веськӧдлысьӧс, ассьыс видзысьсӧ. Но дзиръяӧд петігас войтырыс таляліс тайӧ мортсӧ, и сійӧ кувсис. Лои сідзи, кыдзи шуліс Енлӧн морт, кор ӧксы воліс сы дінӧ.

Иов 20:5

лёк вӧчысьлӧн гажӧдчӧмыс дженьыд, Ентӧг олысьлӧн нимкодясьӧмыс здук мында?

Иов 27:8

Кор Ентӧг олысьлы воас пом, кор Енмыс босьтас сылысь олӧмсӧ, сэки мый вылӧ сійӧ лачасӧ кутас?

Иов 36:13

Ентӧг олысьяслӧн сьӧлӧмыс скӧрлунӧн тырӧма, найӧ оз шыасьны Енмыс дінӧ весиг сэки, кор Сійӧ чепъясӧн найӧс дорӧ.

Исай 33:14

Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

Лука 11:44

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті пасйытӧм шойгуяс кодьӧсь, йӧзыс тӧдтӧгныс ветлӧны на вывті».

Лука 12:56

Кык бана шаньгаяс! Енэжлысь да мулысь чужӧмбансӧ кужанныд тӧдмавны. А мыйла ӧнія кадсӧ онӧ вермӧй тӧдны?»

Лука 5:1

Ӧтчыд Исус сулаліс Генесарет ты дорын. Сійӧс кытшалісны йӧз, мед кывзыны Енлысь кывсӧ.

Лука 5:15

Исус йылысь сёрниыс паськаліс пыр ёнджыка. Унасьыс-уна йӧз воліс кывзыны Сійӧс да бурдӧдчыны.

Лука 6:17

Велӧдчысьясыскӧд керӧсысь лэччӧм бӧрын Исус сувтіс шыльыдінӧ. Сэні вӧлі чукӧртчӧмаӧсь Сылӧн уна велӧдчысь, нӧшта став Иудея муысь, Ерусалим карысь, саридздорса Тир да Сидон каръясысь унасьыс-уна йӧз.

Ап. уджъяс 21:20

Павелӧс кывзӧм бӧрын юрнуӧдысьяс ошкисны Енмӧс, сэсся шуисны: «Тӧдан, вокӧй, иудейяс дас сюрсъясӧн бергӧдчисны эскӧмас, и ставныс найӧ кутчысьӧны Индӧдӧ.

1 Коринфӧ 15:3

Ме висьтавлі тіянлы медколанаторсӧ, мый ачым босьті сьӧлӧмӧ: Гижӧдыс серти Кристос куліс миян мыжъяс вӧсна.

Еврейяслы 12:22

Мӧдарӧ, ті матыстчинныд Сион керӧс дінӧ да ловъя Енлӧн кар дінӧ, енэжвыв Ерусалим дінӧ. Ті локтінныд лыдтӧм-тшӧттӧм анделъяс дінӧ

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.

1 Петыр 2:1

Ӧвсьӧй быдсяма лёк вӧчӧмысь, ылӧдчӧмысь, вежалӧмысь да суклясьӧмысь, энӧ лоӧй кык бана шаньгаясӧн.