Лука 1:7 - Коми Библия 2023

⁷ Челядьыс налӧн эз вӧв, ӧд Елизавета эз вермы вайны кагасӧ, да и кыкнанныс вӧліны нин ыджыд арлыдаӧсь.

Лука 1:7 Kruisverwysings

Олӧм 17:17

Ӧвраам кымынь уськӧдчис муас, но ас кежас серӧктіс: «Вермас-ӧ сё арӧсалӧн пи чужны, а ӧкмысдас арӧса Сарра кага вайны?»

Олӧм 18:11

Ӧвраам Сарракӧд вӧліны пӧрысьӧсь нин, ыджыд арлыдаӧсь, и Сарралӧн эз нин вӧв тӧлыссяыс.

Олӧм 25:21

Исаак кевмысис Господьлы гӧтырыс вӧсна, ӧд гӧтырыс эз вермы сьӧктынысӧ. Господь кыліс сійӧс, и Ревекка кынӧмасис.

Олӧм 30:1

Ракель гӧгӧрвоис, мый оз вермы чужтыны Яковлы кага. Та вӧсна кутіс вежавны аслас чойыслы. Яковлы сійӧ шуис: «Сет меным челядь, а он кӧ – ме кула».

Ӧксыяслӧн 3 небӧг 1:1

Давид ӧксы пӧрысьмис, вӧлі ыджыд арлыда нин. Ӧксыӧс вевттялісны-поньталісны шебрасъясӧн, но сійӧ некыдз эз вермы шонавны.

Ӧксыяслӧн 4 небӧг 4:14

«Но кутшӧм буртор ми вермам вӧчны сылы?» – юаліс Елисей Гезийлысь. Мӧдыс вочавидзис: «Сылӧн абу пиыс, а верӧсыс сылӧн пӧрысь нин».

Лука 1:5

Ирӧд ӧксыалан лунъясӧ Иудея муын оліс Закар нима поп, сійӧ вӧлі Авий поп котырысь. Закарлӧн Елизавета гӧтырыс вӧлі Аарон чужанвужйысь.

Лука 1:6

Найӧ кыкнанныс олісны Ен водзын веськыда, ставсӧ вӧчисны Господьлӧн тшӧктӧм серти.

Лука 1:8

Воис кад Закар котырлы кесъявны Ен водзын.

Римӧ 4:19

Ӧвраам эз лигышмун эскӧмас, мед кӧть и матӧ сё арӧсалӧн вир-яйыс ёна нин вӧлі пӧрысьмӧма, и Сарра гӧтырыслӧн гырк пытшкӧсыс вӧлі нин шоймӧма.

Еврейяслы 11:11

Сарра эз вермы вайны кага, но эскӧм вӧсна сійӧ пондіс нӧбасьны да ыджыд арлыдыс вылӧ видзӧдтӧг чужтіс кага. Сійӧ тӧдіс, мый сылы Кӧсйысьысьыс эскана.

Ӧксыяслӧн 1 небӧг 1:2

Элканлӧн вӧлі кык гӧтыр: ӧтисӧ шуисны Аннаӧн, мӧдсӧ – Пениннаӧн. Пенинналӧн вӧлі челядьыс, а Анналӧн эз вӧв.