Лука 1:68 - Коми Библия 2023

⁶⁸ – Ошка Господьӧс, Израильлысь Енсӧ! Сійӧ бергӧдчис Аслас войтырлань, дасьтіс сылы мездмӧм.

Лука 1:68 Kruisverwysings

Олӧм 14:20

Ошкӧм Медвылысса Енлы, коді сетіс вӧрӧгтӧ тэнад киӧ». Ӧврам сетіс Мелкиседеклы тышын став шедӧдӧмсьыс дасӧд юкӧнсӧ.

Олӧм 24:27

«Ошкӧм Господьлы, менам Ӧвраам ыджыдлӧн Енлы! Сійӧ вӧлі бур сьӧлӧма, вӧчис менам ыджыдлы Аслас шуӧм серти и вайӧдіс менӧ ыджыдӧйлӧн вок керкаӧ».

Олӧм 9:26

Сэсся шуис: «Ошкӧм Господьлы, Симлӧн Енлы! Ханаан мед лоас кесйӧгӧн Симлы.

Ӧксыяслӧн 3 небӧг 1:48

шуӧма, ошкӧма пӧ Господьӧс, Израильлысь Енсӧ, коді талун сетіс меным аддзыны [месянь чужысьӧс,] менам юралан пуклӧсын пукалысьӧс».

Ӧксыяслӧн 3 небӧг 8:15

Сійӧ шуис: «Ошкӧм Господьлы, Израильлӧн Енлы! Ӧні Господь збыльмӧдіс сійӧ, мый Аслас вомӧн кӧсйысьліс менам Давид батьлы. Господь шуліс:

1 Каднебӧг 29:10

Чукӧртчӧм йӧз водзын Давид ошкис Господьӧс: «Господьӧй, миян Израиль батьлӧн Енмӧй, мед лоӧ ошкӧма Тэнӧ нэмъяс чӧж.

1 Каднебӧг 29:20

Сэсся Давид шуис чукӧртчӧм йӧзлы: «Ошкӧй Господьӧс, ассьыныд Еннытӧ!» Йӧзыс ошкисны Господьӧс, асланыс батьяслысь Енсӧ, муӧдз копыртчисны Господьлы да ӧксылы.

Псалтыр 111:9

Сійӧ лышкыда разӧдӧ, сеталӧ гӧльяслы, сылӧн веськыда вӧчӧмыс кутас овны нэмъяс чӧж, сійӧ олӧ юрсӧ лэптӧмӧн, ӧд сійӧс пыдди пуктӧны.

Петӧм 4:31

Войтырыс эскис. Кор найӧ кылісны, мый Господь волӧма Израиль войтыр дінӧ да аддзӧма налысь сьӧкыдалӧмсӧ, муӧдзыс копыртчӧмӧн юрбитісны Господьлы.

Лука 1:71

Сійӧ кӧсйысис мездыны миянӧс дзескӧдысьясысь, дорйыны мустӧмтысьяс киысь,

Лука 19:44

Тэнӧ жугӧдасны дзоньнас, олысьястӧ виаласны – из вылӧ из оз кольны, ӧд тэ эн кӧсйы тӧдны тэ дінӧ Енлысь волӧмсӧ».

Лука 2:38

Буретш Симеонлӧн висьталігӧн сійӧ матыстчис, пондіс ошкыны Енмӧс да висьтавлыны кага йылысь ставныслы, Ерусалимын мездмӧмсӧ виччысьысьяслы.

Лука 24:21

Ми лача кутім, мый Сійӧ мездас Израильӧс. Но тайӧ абу на ставыс. Талун коймӧд лун нин лоӧмторсяньыс.

Лука 7:16

Ставнысӧ полӧм босьтіс. Енмӧс ошкигтыр шуалісны: «Ыджыд пророк миян пӧвстын! Ен локтіс отсавны Аслас войтырлы!»

Ефесӧ 1:3

Ошкӧм Енлы, миян Господь Исус Кристослӧн Батьлы! Сійӧ бурсиӧма миянӧс Кристос пыр Ловсянь быдпӧлӧс бурсиӧмнас, мый эм енэжас.

Ефесӧ 1:7

Кристос вештысис миян вӧсна Аслас вирнас да прӧститіс мыжъяснымӧс. Сэтшӧм ыджыд Енмыслӧн буралӧмыс!

Еврейяслы 9:12

Кристос пырис Вежасьыс-вежаинӧ эз кӧза вирӧн, эз ӧш вирӧн, а Аслас вирӧн. Тадзи Сійӧ ӧтчыдысь да пыр кежлӧ мездіс миянӧс мыжъясысь.

1 Петыр 1:3

Ошкӧм Енлы, миян Господь Исус Кристослӧн Батьлы. Ыджыд буралӧмыс вӧсна Исус Кристосӧс ловзьӧдӧм пыр Енмыс сетіс миянлы выль олӧм. Та вӧсна ми кутам ловъя лача

Ӧксыяслӧн 1 небӧг 25:32

Давид шуис Авигеялы: «Ошкӧм Господьлы, Израильлӧн Енлы, коді ыстіс тэнӧ меным воча.