Лука 1:66 - Коми Библия 2023

⁶⁶ Тайӧс кывлысьяс чуймӧмӧн юасисны: «Кодӧн лоӧ тайӧ кагаыс?» Господьлӧн киыс збыльысь вӧлі сы вылын.

Лука 1:66 Kruisverwysings

Олӧм 37:11

Вокъяс лӧгалісны Ӧсип вылӧ, а батьыс сьӧлӧмас босьтіс сылысь висьталӧмсӧ.

Олӧм 39:2

Господь вӧлі Ӧсипкӧд, та вӧсна сылӧн ставыс артмис. Ӧсип оліс аслас ыджыдыслӧн керкаын,

Ӧксыяслӧн 3 небӧг 18:46

Господьлӧн вына киыс вӧлі Илля вылын. Коссӧ вӧнялӧмӧн сійӧ котӧртіс Ахав водзвылын Изреельӧдз.

Псалтыр 80:17

А Ассьым войтырӧс Ме эськӧ верді медбур шобді няньӧн, пӧткӧді найӧс изкыртаысь босьтӧм маӧн». Ошкӧм.

Лука 1:80

Кага быдмис да ловнас вынсяліс. Израильлы аслас петкӧдчан лунӧдз сійӧ оліс овтӧминын.

Лука 2:19

Мария видзис тайӧ висьталӧмсӧ сьӧлӧмас да мӧвпаліс та йылысь.

Лука 2:40

Кага быдмис, ловнас вынсяліс, Сылӧн мывкыдлуныс содіс. Енлӧн буралӧмыс вӧлі Сы вылын.

Лука 2:51

Исус бӧр локтіс бать-мамыскӧд Назаретӧ да быдторйын кывзысис налысь. Сылӧн мамыс ставсӧ тайӧс видзис сьӧлӧмас.

Лука 9:44

«Пель саяныд сюркнялӧй Менсьым кывъясӧс: Морт Пиӧс сетасны йӧзлӧн киӧ».

Ап. уджъяс 11:21

Господь вӧлі накӧд, та вӧсна унаӧн эскисны да бергӧдчисны Господь дінӧ.

Колосӧ 1:5

Тайӧ тіян эм, ӧд ті оланныд енэжас дасьтӧмаыс вылӧ лачаӧн. Лача йывсьыс ті кывлінныд нин, кор тіянӧдз воис Бур Юӧрлӧн збыль кывйыс.

Ӧксыяслӧн 1 небӧг 16:18

Сэки кесйӧгъяс пиысь ӧти шуис: «Ме аддзылі, мый Виплиемын олысь Ессейлӧн пиыс кужӧ бура ворсны. Сійӧ збой, оз пов тышӧ петны, мывкыд сёрниа, чужӧм-мыгӧрнас мича, дай Господь сыкӧд».

Ӧксыяслӧн 1 небӧг 2:18

А Самуил зонка кесъяліс Господь водзын, новліс шабдіысь вурӧм ефод.