Левит 8:35 - Коми Библия 2023

³⁵ Сизим лун чӧж, лун и вой, олӧй вежа чом пыранін дорын да ставсӧ вӧчӧй Господьлӧн тшӧктӧмъяс серти, медым ті энӧ кулӧй. Тадзи меным тшӧктӧма [Господь Ен]».

Левит 8:35 Kruisverwysings

Ӧксыяслӧн 3 небӧг 2:3

Вӧч, мый тшӧктӧ Господь, тэнад Енмыд. Ветлы Сылӧн туйӧд да ов Сылӧн индӧд-тшӧктӧмъяс серти, мый гижӧма Мӧисейлӧн Индӧдын. Сэки тэнад артмас ставыс, мый мӧвпыштан да мый кутан вӧчны.

Петӧм 29:35

Ааронлы да сылӧн пиянлы вӧч ставсӧ сідзи, кыдзи Ме тшӧкті тэныд. Найӧс попӧ сувтӧдан лунъясыс мед мунасны сизим лун чӧж.

Езекиль 43:25

Сизим лун чӧж быд лун вай ай кӧзаӧс мыжысь вись пыдди. Нӧшта быд лун мед вайӧны вись пыдди дзоньвидза ӧшкӧс да дзоньвидза межӧс.

Езекиль 48:11

Тайӧ муыс лоӧ Садок рӧдысь вежа попъяслы, кодъяс дугдывтӧг кесъялісны Меным да эз кежны Меысь левитъяс моз, кор Израиль войтыр кежис Меысь.

Левит 10:1

Ааронлӧн Надав да Авиуд пияныс босьтісны ассьыныс ӧгыр дознысӧ да пуктісны сэтчӧ ӧгыр, а ӧгыр вылас – чӧскыд ӧвтанторъяс. Тадзи найӧ вайисны Господь водзӧ мӧд би, мый Господь эз тшӧкты вайнысӧ.

Левит 14:8

Сӧстӧммӧдчысь мед мыськалас паськӧмсӧ, шырсяс-бритчас да мыссяс. Та бӧрти сійӧ лоӧ сӧстӧм и вермас бӧр локны войтыр пӧвстӧ. Но аслас чомйӧ сизим лун чӧж мед оз на пыр.

Левит 8:30

Сэсся Мӧисей босьтіс мавтыштан вый да висьпуктанін вылысь вир, резіс Ааронӧс, сылысь пиянсӧ да налысь паськӧмнысӧ. Тадзи сійӧ вежӧдіс Ааронӧс, сылысь пиянсӧ да налысь паськӧмнысӧ.

Левит 8:34

Талун мый вӧлі вӧчӧма, Господь тшӧктіс вӧчны мыжнытӧ вештӧм могысь.

Левит 8:36

Аарон пияныскӧд вӧчисны ставсӧ, кыдзи Господь тшӧктіс Мӧисей пыр.

Лыд 19:12

Коймӧд луннас да сизимӧд луннас сылы колӧ сӧстӧммӧдчыны сӧстӧммӧдчан ванас, и сійӧ лоӧ сӧстӧм. Но оз кӧ сӧстӧммӧдчы коймӧд луннас да сизимӧд луннас, сійӧ оз ло сӧстӧм.

Лыд 3:7

Найӧ мед кесъяласны Аарон да став войтырыс пыдди вежа чом бердын.

Лыд 9:19

Кымӧрыс кӧ дыр сулаліс вежа чом весьтын, Израиль пиян Господьлысь кывзысьӧмӧн тшӧтш сулалісны.

2 Коринфӧ 7:1

Мусаяс, со мыйта кӧсйысьӧм Енмыс сетӧма миянлы! Сідзкӧ, весалам ассьыным вир-яйнымӧс да ловнымӧс став пежсьыс. Кутам овны Енсьыс полӧмӧн, Сылӧн вежалуныс мед тырвыйӧ лоӧ миян пытшкын!

Индӧд 11:1

«Радейтӧй Господьӧс, ассьыныд Ентӧ, да олӧй Сылӧн индӧд-тшӧктӧмъяс серти став олан лунъяс чӧжныд.

1 Тимофейлы 1:18

Тимофей, муса пиӧй, кутчысь пророкъяслӧн тэ йылысь висьталӧмас да вермась бур тышкасьысь моз.

1 Тимофейлы 5:21

Ен водзын, Господь Исус Кристос водзын да бӧрйӧм анделъяс водзын кора тэнӧ: кутчысь тайӧ туйдӧдӧмас. Нинӧм эн вӧч ассяньыд, чужӧм вылӧ видзӧдӧмӧн.

1 Тимофейлы 6:13

Ставыслы олӧм сетысь Ен водзын да Исус Кристос водзын, коді восьсӧн висьталіс збыльсӧ Понтий Пилатлы, ме кора тэнӧ:

1 Тимофейлы 6:17

Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.

1 Тимофейлы 6:20

Тимофей, видз тэныд сетӧмасӧ. Эн кывзы йӧзыслысь ковтӧм сёрни да вензьӧм, мый петӧ ылӧг тӧдӧмлунсянь.

2 Тимофейлы 4:1

Ен водзын да Господь Исус Кристос водзын, коді кутас мыждыны ловъяясӧс да кулӧмаясӧс, Сылысь локтӧмсӧ да Юралӧмсӧ тӧд вылын кутӧмӧн кора тэнӧ:

Еврейяслы 7:28

Индӧд серти аркирейӧн вермис лоны морт, кодлӧн эмӧсь тырмытӧмторъяс. Но Индӧдыс бӧрын Енмыс кыв сетӧмӧн пуктіс Аркирейӧ Ассьыс вежсьывлытӧм тыр-бур Писӧ.