Левит 7:20 - Коми Библия 2023

²⁰ А коді пеж, но сёяс Господьлы вайӧм бурасян висьлысь яйсӧ, сійӧс лоӧ бырӧдӧма аслас войтыр пӧвстысь.

Левит 7:20 Kruisverwysings

Олӧм 17:14

Кодлысь [кӧкъямысӧд лунӧ] оз ло вундыштӧма чильган йывсьыс кучикторсӧ, сійӧс мед лоӧ ӧтдортӧма аслас войтыр пӧвстысь, ӧд сійӧ торкӧ Менсьым йитӧдӧс, мый Ме кӧрталі тіянкӧд».

Петӧм 30:33

Коді вӧчас татшӧм выйсӧ либӧ мавтыштас бокысаӧс, сійӧс лоӧ бырӧдӧма аслас войтыр пӧвстысь».

Петӧм 30:38

Коді вӧчас аслыс татшӧм тшынӧдчанторсӧ, сійӧс лоӧ бырӧдӧма аслас войтыр пӧвстысь».

Езекиль 33:25

Та вӧсна шу налы, мый Господь Ыджыдыс тадзи висьталӧ: ті сёянныд яйсӧ вирнас, юрбитанныд идолъясныдлы да вир кисьтанныд. Тіян-ӧ тайӧ муыс?

Левит 18:29

Татшӧм зывӧкторсӧ вӧчысьӧс лоӧ бырӧдӧма аслас войтыр пӧвстысь.

Левит 19:8

Коді сёяс татшӧм яйсӧ, лоӧ мыжа, ӧд Господьлысь вежаторсӧ пежаліс. Сійӧс лоӧ бырӧдӧма аслас войтыр пӧвстысь.

Левит 20:3

Тайӧ мортыслы Ме паныд сувта, бырӧда сійӧс войтыр пӧвстысь сы понда, мый ассьыс кагасӧ Молок идоллы сетіс. Тайӧн сійӧ Менсьым вежаинӧс пежаліс да Менсьым вежа нимӧс янӧдіс.

Левит 23:29

Коді оз раммӧдчы-видзав тайӧ лунӧ, сійӧс лоӧ бырӧдӧма аслас войтыр пӧвстысь.

Левит 7:19

Яйыс кӧ инмылас мыйкӧ пеж дінӧ, сёйнысӧ сійӧс оз позь. Сійӧс колӧ сотны биын. Бурасян висьлысь яйсӧ позьӧ сёйны быдӧнлы, коді сӧстӧм.

Левит 7:25

Коді сёяс Господьлы вись пыдди вайӧм пемӧслысь госсӧ, сійӧс лоӧ бырӧдӧма аслас войтыр пӧвстысь.

Левит 7:27

Вир сёйысьӧс лоӧ бырӧдӧма аслас войтыр пӧвстысь».

Лыд 19:13

Коді инмӧдчылас мортлӧн шойыс дінӧ да оз сӧстӧммӧдчы, сійӧ пежалӧ Господьлысь оланінсӧ. Тайӧ мортсӧ лоӧ бырӧдӧма Израиль войтыр пӧвстысь, ӧд сійӧс абу вӧлі резӧма сӧстӧммӧдчан ваӧн. Сійӧ пеж, пежасьӧмыс кольӧ сы вылӧ.

1 Коринфӧ 11:28

Быдӧн мед асьсӧ тӧдмалӧ, сэсся сёйӧ тайӧ няньсӧ да юӧ тайӧ чашасьыс.

Ӧксыяслӧн 1 небӧг 20:26

Сійӧ лунӧ Саул нинӧм эз шу та вылӧ. Мӧвпыштіс, гашкӧ пӧ, Давид виччысьтӧг пежаліс асьсӧ.