Левит 7:1 - Коми Библия 2023

¹ «Мыж вештан вись йылысь индӧдыс татшӧм. Тайӧ висьыс – вежасьыс-вежатор.

Левит 7:1 Kruisverwysings

2 Каднебӧг 31:14

Коре нима левит, Имнайлӧн пиыс, асыввыв дзиръя видзысь, тӧждысис войтырлӧн ас кӧсйӧм серти Енлы вайӧмторъяс вӧсна, юкліс попъяслы вежасьыс-вежаторъяс да Господьлы вайӧм козинъяс.

Езекиль 40:39

Пыранінлӧн посводзын ӧтарладорас сулаліс кык пызан, и мӧдарладорас – кык пызан. На вылын начкылісны сотан висьяс, мыжысь висьяс да мыж вештан висьяс.

Езекиль 44:29

Найӧ мед пӧткӧдчасны нянь висьясӧн, мыжысь висьясӧн да мыж вештан висьясӧн. Тшӧтш ставыс, мый Израильын сиӧма Меным, вичмӧ попъяслы.

Езекиль 46:20

морт шуис меным: «Тані попъяс мед пуӧны мыж вештан вись пыдди да мыжысь вись пыдди вайӧм пемӧсъяслысь яйсӧ. Тані мед пӧжалӧны нянь вись. Яйсӧ да няньсӧ мед оз петкӧдны ортсы йӧрӧ, медым тайӧ вежаторъяснас эз инмыны войтырыс дінӧ да тадзи эз вежӧдны найӧс».

Левит 21:22

Но сылы позьӧ сёйны Енлы вись пыдди вайӧм вежатор да вежасьыс-вежатор.

Левит 5:11

Коді гӧльлун вӧсна оз вермы вайны кык гулюӧс либӧ кык гулюпиӧс, аслас мыжысь вись пыдди мед ваяс шобді пызь – ефалысь дасӧд юкӧнсӧ. Пызяс мед оз кисьт олив вый, пызь вылӧ мед оз пукты ладан, ӧд тайӧ мыжысь вись.

Левит 5:14

Господь шуис Мӧисейлы:

Левит 5:15

«Коді тӧдлытӧг Господьлӧн вежаторлы паныд мыж вӧчас, сійӧ лоӧ мыжа. Та вӧсна мед ваяс Господьлы мыж вештан вись пыдди аслас ыж чукӧрысь дзоньвидза межӧс. Мыж вештан висьлысь донсӧ тэныд колӧ индыны эзысьӧн вежаинса сикель серти.

Левит 5:7

Коді гӧльлун вӧсна оз вермы вайны ыжӧс, мед ваяс Господьлы мыж вештӧм могысь кык гулюӧс либӧ кык гулюпиӧс, ӧтисӧ мыжысь вись пыдди, мӧдсӧ сотан вись пыдди.

Левит 5:8

Найӧс мед ваяс поплы. Поп медводз мед песовтас мыжысь вись пыдди ваян гулюлысь голясӧ, но юрсӧ мед оз орӧд.

Левит 6:17

Няньсӧ шоммӧдӧмӧн пӧжавны оз позь. Аслам висьысь тайӧ пайсӧ Ме инді Ааронлы да сысянь чужысьяслы. Мыжысь вись да мыж вештан вись моз тайӧ пайыс вежасьыс-вежатор.

Левит 6:25

«Висьтав Ааронлы да сылӧн пияныслы мыжысь вись йылысь тайӧ индӧдсӧ. Мыжысь висьсӧ колӧ начкыны Господь водзын сэні, кӧні начкӧны сотан вись. Мыжысь вись – вежасьыс-вежатор.

Лыд 6:12

Аслас кыв сетӧм серти сылы колӧ выльысь сины асьсӧ Господьлы назореялан лунъясыс кежлӧ. Мыж вештан вись пыдди сылы колӧ вайны арӧса межӧс. Пежасьӧм вӧсна сылӧн назореялан лунъясыс, мый вӧліны таӧдз, оз лыддьыссьыны.