Левит 6:6 - Коми Библия 2023

⁶ Господьлы мыж вештан вись пыдди мед вайӧдас поп дінӧ аслас ыж чукӧрысь дзоньвидза межӧс. Висьлысь донсӧ тэныд колӧ индыны.

Левит 6:6 Kruisverwysings

Ездра 10:19

Найӧ кыв сетісны, мый бӧр ыстасны гӧтыръяснысӧ да быдӧн аслас мыж вӧсна ваяс вись пыдди межӧс.

Неемий 10:35

Быд во ми пондам вайны Господьлӧн крамӧ медводдза воӧм нянь да пуяслысь вотӧс.

Езекиль 40:46

Войвылӧ видзӧдысь керкаыс – висьпуктанін дорын кесъялысь попъяслы, Садок рӧдысь петысьяслы. Левий чужанкотырысь сӧмын найӧ вермӧны матыстчыны Господь дінӧ, медым кесъявны Сылы».

Левит 14:12

Поп мед босьтас ӧти межсӧ да ваяс сійӧс мыж вештан вись пыдди. Нӧшта мед босьтас олив выйсӧ да ваяс мыж вештан виськӧд Господь водзын пыркӧдан вись пыдди.

Левит 5:15

«Коді тӧдлытӧг Господьлӧн вежаторлы паныд мыж вӧчас, сійӧ лоӧ мыжа. Та вӧсна мед ваяс Господьлы мыж вештан вись пыдди аслас ыж чукӧрысь дзоньвидза межӧс. Мыж вештан висьлысь донсӧ тэныд колӧ индыны эзысьӧн вежаинса сикель серти.

Левит 5:18

Мыж вештан вись пыдди мед вайӧдас поп дінӧ дзоньвидза межӧс. Висьлысь донсӧ тэныд колӧ индыны. Поп мед вештас тӧдлытӧг мыж вӧчысьлысь мыжсӧ, и сійӧс лоӧ прӧститӧма.

Левит 5:7

Коді гӧльлун вӧсна оз вермы вайны ыжӧс, мед ваяс Господьлы мыж вештӧм могысь кык гулюӧс либӧ кык гулюпиӧс, ӧтисӧ мыжысь вись пыдди, мӧдсӧ сотан вись пыдди.