Левит 6:5 - Коми Библия 2023

⁵ Колӧ бӧр сетны сійӧ, мый йылысь ылӧдлӧмӧн кыв сетліс. Мыж вештан вись ваян лунӧ сылы колӧ вештысьны мортлы, кодлӧн вӧлі эмбурыс. Доныс дінӧ колӧ содтыны витӧд пай.

Левит 6:5 Kruisverwysings

Ӧксыяслӧн 2 небӧг 12:6

Тадзи вӧчӧмсьыс да сьӧлӧмсӧ чорзьӧдӧмысь сылы колӧ мынтысьны балясьыс нёль пӧвстӧн».

Неемий 10:35

Быд во ми пондам вайны Господьлӧн крамӧ медводдза воӧм нянь да пуяслысь вотӧс.

Петӧм 22:1

«Коді гусялас ӧшкӧс либӧ ыжӧс да начкас либӧ вузалас сійӧс, мед сетас ӧти ӧш пыдди вит ӧшкӧс, а ӧти ыж пыдди нёль ыжӧс.

Петӧм 22:4

Кор [гусясьысьӧс кутасны и] гусялӧм ӧшкӧс, осёлӧс либӧ ыжӧс аддзасны ловйӧн, сэки гусясьысьлы колӧ кык пӧвстӧн вештысьны наысь.

Петӧм 22:7

Морт кӧ аслас матыссалы сетас видзны сьӧм либӧ кӧлуй, но сетӧмторсӧ петкӧдасны матыссаыслӧн керкаысь, и гусясьысьӧс кутасны, сэки гусясьысьыс мед кык пӧвстӧн вештысяс.

Петӧм 22:9

Вензяна эмбур йылысь, ӧш, осёл, ыж, паськӧм либӧ кутшӧмкӧ воштӧмтор йылысь кӧ кодкӧ шуас, мый тайӧ сылӧн, сэки кыкнан мортсӧ колӧ кывзыны Ен водзын. Кодӧс Енмыс мыждас, сійӧ мед вештысяс мӧдыслы кык пӧвстӧн.

Петӧм 30:7

Висьпуктанін вылас Аарон мед тшынӧдас чӧскыд ӧвтанторъяс. Сійӧ мед тшынӧдчас сэні быд асыв, кор кутас локны видзӧдны би дозъяс бӧрся.

Исай 58:6

Ме кӧсъя татшӧм видзалӧм: орӧд ылӧгыслысь кӧртӧдъяссӧ, разь сийӧслысь гӧрӧдъяссӧ, мезды нартитӧмаӧс, жугӧд быдпӧлӧс сийӧссӧ,

Исай 58:9

Тэ шыасян Господь дінӧ, и Сійӧ кылас тэнӧ, тэ чукӧстан Сійӧс отсӧг вылӧ, и Сійӧ шуас: «Ме тані». Бырӧдан кӧ ас пӧвстсьыд быдпӧлӧс сьӧктӧдан сийӧс, дугдан кӧ мӧд вылӧ индавны чуньнад да паськӧдны лёк сёрнияс,

Езекиль 33:15

бӧр сетас, мый босьтліс уджйӧзӧн сетӧмсьыс, вештысяс гусясьӧмсьыс, пондас овны олӧм вайысь индӧд-тшӧктӧмъяс серти да дугдас вӧчны лёксӧ, сійӧ оз кув, а кутас овны.

Левит 5:16

Господьлӧн вежаторлы паныд мыж вӧчӧмысь морт мед мынтас поплы индӧм донсӧ сы дінӧ витӧд пай содтӧмӧн. Поп мед ваяс межӧс мыж вештан вись пыдди, тадзи вештас мыжа мортлысь мыжсӧ, и сійӧс лоӧ прӧститӧма.

Лука 19:8

Заккей сувтіс да шуис: «Господьӧй, овмӧслысь джынсӧ сета гӧльяслы, а кодлысь ылӧдлӧмӧн босьті, сылы нёль пӧвстӧн бӧр бергӧда».

Ӧксыяслӧн 1 небӧг 12:3

Ӧні Господь водзын да Сылӧн мавтыштӧмаыс водзын висьталӧй, босьтлі-ӧ ме кодлыськӧ ӧшсӧ либӧ осёлсӧ? Пӧръявлі-ӧ да дзескӧдлі-ӧ кодӧскӧ? Сибӧдлі-ӧ кодсянькӧ козин, медым сылӧн лёк вӧчӧм вылӧ синмӧс тупкыны? Висьталӧй, и ме ставсӧ бӧр сета тіянлы».