Левит 6:3 - Коми Библия 2023

³ а сідзжӧ, сійӧ кӧ соссяс, мый аддзис матыссаыслысь воштӧмторсӧ, либӧ сійӧ кӧ мыж вӧчас, но ылӧдлӧмӧн кыв сетас, мый тадзи эз вӧч.

Левит 6:3 Kruisverwysings

Петӧм 23:4

Аддзан кӧ тэнӧ мустӧмтысьлысь ӧшсӧ либӧ осёлсӧ, вайӧд сылысь пемӧссӧ гортӧдзыс.

Петӧм 28:42

Шабді дӧраысь вур налы улыс гачьяс, медым налӧн куш яйыс коссяньыс пидзӧсӧдзыс вӧлі тупкӧма.

Шусьӧгъяс 24:28

Матыссаыд йылысь ылӧгсӧ эн висьтав – мыйла тэныд пӧръясьнысӧ?

Шусьӧгъяс 30:9

Коланасьыс унджык мед оз ло менам, ӧд сэки ме верма бергӧдчыны Тэысь, верма шуны: «Ог тӧд Господьӧс». А гӧльма кӧ, пета гусясьны да Тэнсьыд нимтӧ, Енмӧй, янӧда.

Еремей 5:2

– Найӧ кыв сетӧны ловъя Господь водзын, но налӧн кыв сетӧмныс – пӧръясьӧм.

Еремей 7:9

Ті гусясянныд, виаланныд, пежаланныд гозъякост олӧм, кыв сетіганыд пӧръясянныд, сотанныд висьяс Ваал идоллы, юрбитанныд мукӧд енъяслы, кодъясӧс ті онӧ тӧдӧй.

Езекиль 44:19

Войтырыс дінӧ ортсы йӧрас петігӧн найӧ мед пӧрччасны кесъялан паськӧмнысӧ, колясны сійӧс вежа жырйӧ да пасьталасны мӧд паськӧм, медым вежа паськӧмнаныс эз инмыны войтырыс дінӧ да тадзи эз вежӧдны найӧс.

Левит 1:16

Гулюлысь перйӧм чульсӧ да куштӧм гӧнсӧ мед шыбитас висьпуктанін асывладорӧ, кытчӧ чукӧртӧны пӧим.

Левит 16:4

Сійӧ мед пасьталас вежа шабді дӧрӧм да улыс шабді гач, кӧрталас коскас шабді вӧнь да вевттяс юрсӧ шабді юркӧртӧднас. Тайӧ вежа паськӧмсӧ мед пасьталас мыссьӧм бӧрас.

Левит 19:12

Менам нимӧн пӧръясьӧмӧн энӧ сетӧй кывнытӧ, медым энӧ янӧдӧй Менсьым нимӧс. Ме – Господь, тіян Енныд.

Закар 5:4

Тайӧ ёрӧмсӧ мӧдӧді Ме, – висьталӧ Господь Саваоф. – Ёрӧмыс пырас гусясьысьлӧн керкаӧ да сы ордӧ, коді пӧръясьӧмӧн кӧсйысьӧ Менам нимӧн. Ёрӧмыс овмӧдчас сылӧн керкаӧ, ставнас пазӧдас сійӧс, весиг пусӧ и изсӧ жуглас.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.