Левит 6:27 - Коми Библия 2023

²⁷ Ставыс, мый инмылас вись яйыс дінӧ, лоӧ вежа. Вирыс кӧ резсяс поплӧн паськӧмӧ, паськӧмсӧ колӧ мыськавны вежаинын.

Левит 6:27 Kruisverwysings

Петӧм 29:37

Сизим лун чӧж сӧстӧммӧд висьпуктанінсӧ да вежӧд сійӧс, и висьпуктаніныс лоӧ вежасьыс-вежа. Ставыс, мый инмас висьпуктанінӧ, лоӧ вежа».

Петӧм 30:29

Вежӧд найӧс, и найӧ лоӧны вежасьыс-вежаӧсь. Ставыс, мый инмас наӧ, лоӧ вежа.

Езекиль 44:19

Войтырыс дінӧ ортсы йӧрас петігӧн найӧ мед пӧрччасны кесъялан паськӧмнысӧ, колясны сійӧс вежа жырйӧ да пасьталасны мӧд паськӧм, медым вежа паськӧмнаныс эз инмыны войтырыс дінӧ да тадзи эз вежӧдны найӧс.

Левит 11:32

Татшӧм котралысь-веглясьысьлӧн шойыс кӧ усяс пуысь вӧчӧм дозмук-кӧлуй вылӧ, паськӧм вылӧ, кучик вылӧ либӧ чорыд дӧра вылӧ, сэки татшӧм кӧлуйыс лоӧ пеж. Сійӧс колӧ видзыштны ваын. Рытӧдзыс сійӧ лоӧ пеж, а сэсся лоӧ сӧстӧм.

Левит 6:18

Ааронсянь чужысь став айуловыс вермасны сёйны сійӧс. Господьлы вайӧм висьясысь тайӧ пайсӧ индӧма налы нэмъяс кежлӧ чужысьяссянь чужысьясӧдз. Ставыс, мый инмылас тайӧ вежасьыс-вежаторъяс дінӧ, лоӧ вежа».

Левит 7:19

Яйыс кӧ инмылас мыйкӧ пеж дінӧ, сёйнысӧ сійӧс оз позь. Сійӧс колӧ сотны биын. Бурасян висьлысь яйсӧ позьӧ сёйны быдӧнлы, коді сӧстӧм.

Аггей 2:12

Шуам, паськӧм дорышас гартыштӧмӧн морт нуӧ вежӧдӧм яй. Сылӧн паськӧм дорышыс кӧ инмылас няньӧ, пуӧмторйӧ, винаӧ, выйӧ либӧ мукӧд сёянӧ, лоӧ-ӧ тайӧ сёяныс вежа?» Попъяс вочавидзисны: «Оз».

Матвей 14:36

да корисны Исусӧс, мед висьысьяслы лэдзас инмӧдчывны паськӧм дорышас. Инмӧдчылысьяс ставныс бурдісны.

Матвей 9:21

Сійӧ мӧвпаліс: «Сӧмын инмӧдчыла кӧ паськӧмас, бурда».

2 Коринфӧ 7:1

Мусаяс, со мыйта кӧсйысьӧм Енмыс сетӧма миянлы! Сідзкӧ, весалам ассьыным вир-яйнымӧс да ловнымӧс став пежсьыс. Кутам овны Енсьыс полӧмӧн, Сылӧн вежалуныс мед тырвыйӧ лоӧ миян пытшкын!

2 Коринфӧ 7:11

Видзӧдлӧй, мый вайис тіянлы Ен кӧсйӧм серти шогсьӧмныд: кутшӧма ті зілянныд петкӧдлыны ассьыныд мыжтӧмлуннытӧ, дӧзманныд лёк вӧчысь вылӧ да лёк вӧчӧмсӧ мустӧмтанныд. Кутшӧма ті гажтӧмтчанныд миянысь, ловнаныд ыпъяланныд да кӧсъянныд мыжаӧс веськыда мыждыны. Ті быд боксянь петкӧдлінныд ассьыныд сӧстӧмлуннытӧ.