Левит 6:20 - Коми Библия 2023

²⁰ «Аарон да сысянь чужысьяс найӧс мавтыштан лунсянь мед ваясны Господьлы быдлунся нянь вись пыдди шобді пызь – ефалысь дасӧд юкӧнсӧ. Джынсӧ мед ваясны асывнас, а мӧд джынсӧ – рытнас.

Левит 6:20 Kruisverwysings

1 Каднебӧг 23:29

Найӧ кывкутісны вежа нянь вӧсна, нянь вись пыдди ваян шобді пызь вӧсна, шомтӧм сӧчӧнъяс, пӧжалӧм нянь да шомӧс вӧсна, тшӧтш ставсӧ мурталӧм-веситӧм вӧсна.

Петӧм 16:36

Омер вӧлі ефалӧн дасӧд юкӧныс.

Петӧм 29:2

Босьт медбур шобді пызьысь пӧжасъяс: шомтӧм нянь, выйӧн гудралӧм шомтӧм нянь да выйӧн мавтӧм шомтӧм сӧчӧн.

Левит 23:13

Сыкӧд тшӧтш нянь вись пыдди вайӧй олив выйӧн гудралӧм шобді пызь – ефа мында пызьсӧ юкӧй дас пельӧ и сэтысь вайӧй кыксӧ. Тайӧ лоӧ Господьлы чӧскыда ӧвтан вись. Кисьтан вись пыдди вайӧй вина – гинлысь нёльӧд пайсӧ.

Левит 5:1

Мортыс кӧ тӧдӧ кодӧскӧ ёрӧм йылысь, но ёрд водзын оз висьтав та йылысь, сійӧ лоӧ мыжа.

Левит 5:11

Коді гӧльлун вӧсна оз вермы вайны кык гулюӧс либӧ кык гулюпиӧс, аслас мыжысь вись пыдди мед ваяс шобді пызь – ефалысь дасӧд юкӧнсӧ. Пызяс мед оз кисьт олив вый, пызь вылӧ мед оз пукты ладан, ӧд тайӧ мыжысь вись.

Левит 6:11

Та бӧрын мед вежас паськӧмсӧ да петкӧдас пӧимсӧ чомъяс сайӧ сӧстӧминӧ.

Левит 6:19

Господь шуис Мӧисейлы:

Лыд 28:10

Тайӧ сотан висьсӧ вайӧй быд шойччан лунӧ быдлунся сотан висьысь да вина висьысь ӧтдор.

Лыд 28:3

Быд лун вайӧй дзоньвидза арӧса кык баляӧс сотан вись пыдди.

Лыд 4:16

Аарон поплӧн Элазар пиыс мед кывкутас би дозйӧ кисьтан вый да чӧскыд дука тшынӧдчантор вӧсна, быдлунся нянь вись да мавтыштан вый вӧсна. Сійӧ мед кывкутас вежа чом вӧсна да вежаинса став дозмук-кӧлуй вӧсна».

Еврейяслы 5:1

Быд аркирейӧс бӧрйӧны йӧз пӧвстысь да сувтӧдӧны кесъявны Енлы, медым йӧзыслӧн мыжъяс вӧсна вайны висьяс да сетӧмторъяс.

Еврейяслы 7:27

Мукӧд аркирейлы моз Сылы абу колана быд лун вись вайны медводз аслас мыжъяс вӧсна, сэсся йӧзлӧн мыжъяс вӧсна. Ӧд Сійӧ вайис нин Асьсӧ вись пыдди ӧтчыдысь да пыр кежлӧ.