Левит 5:6 - Коми Библия 2023

⁶ Аслас мыжысь мед ваяс Господьлы мыж вештан вись пыдди ыжӧс либӧ энь кӧзаӧс. Поп мед вештас сылысь мыжсӧ.

Левит 5:6 Kruisverwysings

Езекиль 40:39

Пыранінлӧн посводзын ӧтарладорас сулаліс кык пызан, и мӧдарладорас – кык пызан. На вылын начкылісны сотан висьяс, мыжысь висьяс да мыж вештан висьяс.

Езекиль 42:13

Морт шуис меным: «Восьсаин войвылын и лунвылын сулалысь керкаяслӧн жыръясыс вежаӧсь. Сэні попъяс, кодъяслы сетӧма матыстчыны Господь дінӧ, сёйӧны вежасьыс-вежаторъяс. Сэтчӧ найӧ вайӧны вежасьыс-вежа висьяс: нянь вись, мыжысь вись да мыж вештан вись. Тайӧ жыръясыс вежаӧсь.

Езекиль 44:27

а сійӧ лунӧ, кор локтас кесъявны вежаинлӧн пытшкӧс йӧрӧ, сылы колӧ вайны ас вӧснаыс мыжысь вись, – висьталӧ Господь Ыджыдыс.

Левит 4:20

Ставсӧ мед вӧчас сідзи, кыдзи вӧчӧны ӧшкӧс мыжысь вись пыдди вайигӧн. Тадзи поп вештас войтырлысь мыжсӧ, и найӧс лоӧ прӧститӧма.

Левит 4:28

Мыж вӧчӧм йылысь тӧдмалӧм бӧрын сылы колӧ вайны вись пыдди дзоньвидза энь кӧзаӧс.

Левит 4:31

Мед перъялас кӧзалысь став госсӧ бурасян висьлысь госсӧ моз да сотас висьпуктанін вылын. Тайӧ лоӧ Господьлы чӧскыда ӧвтан вись. Тадзи поп вештас вись вайысьлысь мыжсӧ, и сійӧс лоӧ прӧститӧма.

Левит 4:32

А коді кӧсъяс вайны мыжысь вись пыдди баляӧс, мед ваяс дзоньвидза энь баляӧс.

Левит 4:35

Мед перъялас балялысь став госсӧ бурасян вись пыдди вайӧм ыжлысь госсӧ моз да сотас висьпуктанін вылын Господьлы сотан виськӧд. Тадзи поп вештас вись вайысьлысь мыжсӧ, и сійӧс лоӧ прӧститӧма.

Левит 6:6

Господьлы мыж вештан вись пыдди мед вайӧдас поп дінӧ аслас ыж чукӧрысь дзоньвидза межӧс. Висьлысь донсӧ тэныд колӧ индыны.

Лыд 6:12

Аслас кыв сетӧм серти сылы колӧ выльысь сины асьсӧ Господьлы назореялан лунъясыс кежлӧ. Мыж вештан вись пыдди сылы колӧ вайны арӧса межӧс. Пежасьӧм вӧсна сылӧн назореялан лунъясыс, мый вӧліны таӧдз, оз лыддьыссьыны.