Левит 5:16 - Коми Библия 2023

¹⁶ Господьлӧн вежаторлы паныд мыж вӧчӧмысь морт мед мынтас поплы индӧм донсӧ сы дінӧ витӧд пай содтӧмӧн. Поп мед ваяс межӧс мыж вештан вись пыдди, тадзи вештас мыжа мортлысь мыжсӧ, и сійӧс лоӧ прӧститӧма.

Левит 5:16 Kruisverwysings

Псалтыр 69:4

Мед яналасны да бӧр пышъясны найӧ, кодъяс шуалӧны, тадзи пӧ тэныд и колӧ.

Петӧм 22:1

«Коді гусялас ӧшкӧс либӧ ыжӧс да начкас либӧ вузалас сійӧс, мед сетас ӧти ӧш пыдди вит ӧшкӧс, а ӧти ыж пыдди нёль ыжӧс.

Левит 22:14

Коді тӧдлытӧг сёяс вежа вайӧмторсӧ, сійӧ мед мынтас поплы вайӧмторлысь донсӧ сы дінӧ витӧд пай содтӧмӧн.

Левит 27:13

Мортыс кӧ сиӧм пемӧссӧ кӧсъяс бӧр ньӧбны, сэки индӧм доныс дінӧ мед содтас пемӧс доныслысь витӧд пайсӧ.

Левит 27:15

Мортыс кӧ сиӧм керкасӧ кӧсъяс бӧр ньӧбны, сэки индӧм доныс дінӧ мед содтас керка доныслысь витӧд пайсӧ. Та бӧрын керкаыс бара лоӧ сылӧн.

Левит 27:27

А медводдза чужысьыс кӧ пеж пемӧслӧн, сійӧс колӧ бӧр ньӧбны, и индӧм доныс дінӧ колӧ содтыны пемӧс доныслысь витӧд пайсӧ. Пемӧссӧ кӧ оз ло бӧр ньӧбӧма, сійӧс колӧ вузавны индӧм донысь.

Левит 27:31

Коді кӧсйӧ бӧр ньӧбны ассьыс дасӧд юкӧнсӧ, мед содтас сылӧн доныс дінӧ витӧд пайсӧ.

Левит 4:20

Ставсӧ мед вӧчас сідзи, кыдзи вӧчӧны ӧшкӧс мыжысь вись пыдди вайигӧн. Тадзи поп вештас войтырлысь мыжсӧ, и найӧс лоӧ прӧститӧма.

Левит 4:26

Став госсӧ мед сотас висьпуктанін вылын, кыдзи сотӧны бурасян висьлысь госсӧ. Тадзи поп вештас юралысьлысь мыжсӧ, и сійӧс лоӧ прӧститӧма.

Левит 5:10

Мӧд лэбачсӧ мед ваяс сотан вись пыдди, кыдзи тшӧктӧма. Тадзи поп вештас вись вайысьлысь мыжсӧ, и сійӧс лоӧ прӧститӧма.

Левит 5:13

Тадзи поп вештас вись вайысьлысь мыжсӧ, и сійӧс лоӧ прӧститӧма. Коляс висьыс нянь вись моз вичмӧ поплы».

Левит 5:6

Аслас мыжысь мед ваяс Господьлы мыж вештан вись пыдди ыжӧс либӧ энь кӧзаӧс. Поп мед вештас сылысь мыжсӧ.

Левит 7:2

Сійӧс колӧ начкыны сэні, кӧні начкӧны сотан вись. Сылӧн вирнас колӧ резны висьпуктанінсӧ быд боксянь.

Лыд 5:7

Аслас мыж вӧчӧм йылысь сійӧ мед висьтасяс, и кодлы паныд мыжсӧ вӧчис, сылы мед вештысяс. Вештысян дон дінӧ мед содтас доныслысь витӧд пайсӧ.

Лыд 5:8

Но кулӧма кӧ нин сійӧ мортыс, кодлы паныд мыжсӧ вӧчис, и сылӧн кӧ абу матысса рӧдвужыс, и та вӧсна вештысьнысӧ некодлы, сэки мед вештысьӧ Господьлы. Тайӧ вештысян доныс лоӧ поплы. Поплы тшӧтш лоӧ меж, кодӧс колӧ вайны вись пыдди. Тадзи поп вештас мыж вӧчысьлысь мыжсӧ.

Лука 19:8

Заккей сувтіс да шуис: «Господьӧй, овмӧслысь джынсӧ сета гӧльяслы, а кодлысь ылӧдлӧмӧн босьті, сылы нёль пӧвстӧн бӧр бергӧда».

Ап. уджъяс 26:20

Медводз Дамаскын да Ерусалимын, сэсся став Иудея му пасьтала, сэсся нин ентӧдтӧмъяслы висьтавлі, мед бергӧдчасны мыжъяссьыныс Енлань да олӧмнас петкӧдласны тайӧс.

Ӧксыяслӧн 1 небӧг 6:3

Найӧ вочавидзисны: «Ті кӧ бӧр кӧсъянныд мӧдӧдны [Господьлысь] Израиль Енлысь [Йитӧд] кудсӧ, козинтӧг сійӧс энӧ мӧдӧдӧй. Ыстӧй мыж вештан вись. Сэки ті бурданныд да тӧдмаланныд, мый вӧсна Израильлӧн Ен оз вешты Ассьыс мыждӧмсӧ тіян вылысь».