Левит 5:13 - Коми Библия 2023

¹³ Тадзи поп вештас вись вайысьлысь мыжсӧ, и сійӧс лоӧ прӧститӧма. Коляс висьыс нянь вись моз вичмӧ поплы».

Левит 5:13 Kruisverwysings

Осий 4:8

Найӧ пӧткӧдчӧны Менам войтырлӧн мыжъясӧн, нимкодясьӧны войтырлӧн лёк вӧчӧмысь.

Левит 2:10

А нянь висьлӧн колясыс мед лоӧ Ааронлы да сысянь чужысьяслы. Господьлы вайӧм висьлӧн тайӧ юкӧныс – вежасьыс-вежатор.

Левит 2:3

А нянь висьлӧн колясыс мед лоӧ Ааронлы да сысянь чужысьяслы. Господьлы вайӧм висьлӧн тайӧ юкӧныс – вежасьыс-вежатор.

Левит 4:20

Ставсӧ мед вӧчас сідзи, кыдзи вӧчӧны ӧшкӧс мыжысь вись пыдди вайигӧн. Тадзи поп вештас войтырлысь мыжсӧ, и найӧс лоӧ прӧститӧма.

Левит 4:26

Став госсӧ мед сотас висьпуктанін вылын, кыдзи сотӧны бурасян висьлысь госсӧ. Тадзи поп вештас юралысьлысь мыжсӧ, и сійӧс лоӧ прӧститӧма.

Левит 4:31

Мед перъялас кӧзалысь став госсӧ бурасян висьлысь госсӧ моз да сотас висьпуктанін вылын. Тайӧ лоӧ Господьлы чӧскыда ӧвтан вись. Тадзи поп вештас вись вайысьлысь мыжсӧ, и сійӧс лоӧ прӧститӧма.

Левит 5:10

Мӧд лэбачсӧ мед ваяс сотан вись пыдди, кыдзи тшӧктӧма. Тадзи поп вештас вись вайысьлысь мыжсӧ, и сійӧс лоӧ прӧститӧма.

Левит 5:12

Пызьсӧ мед ваяс поплы, а поп мед босьтас китыр пызь да сотас сійӧс висьпуктанін вылын Господьлы казьтылан вись пыдди. Вайӧм шобді пызьыс лоӧ мыжысь вись.

Левит 5:14

Господь шуис Мӧисейлы:

Левит 5:16

Господьлӧн вежаторлы паныд мыж вӧчӧмысь морт мед мынтас поплы индӧм донсӧ сы дінӧ витӧд пай содтӧмӧн. Поп мед ваяс межӧс мыж вештан вись пыдди, тадзи вештас мыжа мортлысь мыжсӧ, и сійӧс лоӧ прӧститӧма.

Левит 5:4

Коді мӧвпышттӧг кыв сетӧмӧн кӧсйысьӧ вӧчны лёктор либӧ буртор, и оз гӧгӧрво, мый кӧсйысьӧ, но гӧгӧрвоӧ бӧрынджык, сійӧ лоӧ мыжа.

Левит 5:5

Коді лои мыжа татшӧмторсӧ вӧчӧмысь, сійӧ мед висьтасяс мыж вӧчӧмсьыс.

Левит 5:6

Аслас мыжысь мед ваяс Господьлы мыж вештан вись пыдди ыжӧс либӧ энь кӧзаӧс. Поп мед вештас сылысь мыжсӧ.

Левит 7:6

Поп рӧдысь став айуловыс вермӧ сёйны мыж вештан висьлысь яйсӧ. Сӧмын колӧ сёйны сійӧс вежаинын, ӧд сійӧ – вежасьыс-вежатор.

1 Коринфӧ 9:13

Ті ӧд тӧданныд, мый крамын кесъялысьяс пӧткӧдӧны асьнысӧ крамӧ вайӧмторйӧн, а висьпуктанінын кесъялысьяс босьтӧны аслыныс пай висьпуктанін вылӧ вайӧмторйысь.

Ӧксыяслӧн 1 небӧг 2:28

Ме бӧрйи тэнсьыд рӧдтӧ став Израиль чужанкотырысь да пукті найӧс попъясӧн, медым найӧ кесъялісны Меным висьпуктанін дорын, тшынӧдісны чӧскыд ӧвтанторъяс да новлісны ефод Ме водзын. Ме тшӧкті, мед тэнад рӧдыд босьтас Израиль войтырлӧн сотӧм висьясысь юкӧн.