Левит 4:4 - Коми Библия 2023

⁴ Ӧшсӧ мед сувтӧдас Господь водзӧ вежа чом пыранін дорӧ. Мед пуктылас кисӧ ӧшлы юр вылас, а сэсся мед начкас сійӧс Господь водзын.

Левит 4:4 Kruisverwysings

2 Каднебӧг 29:23

Мыжысь вись пыдди ваян кӧзаясӧс вайӧдісны ӧксы водзӧ да чукӧртчӧм войтыр водзӧ, и найӧ пуктылісны кинысӧ кӧзаяс вылӧ.

Исай 53:6

Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Даниил 9:26

Квайтымын кыкысь сизим во мысти Мавтыштӧмаӧс лоӧ виӧма, и Сыкӧд некод оз коль. А карсӧ да вежаинсӧ бырӧдас локтана юралысьлӧн войтырыс. Тайӧ юралысьлӧн помыс лоӧ ва ойдӧм кодь, и тыш помӧдзыс лоӧ пазӧдӧм-бырӧдӧм.

Левит 16:21

пуктылас кыкнан кисӧ сылы юр вылас да висьтасяс Израиль пиянлӧн став мыжсьыс да лёк вӧчӧмсьыс. Тадзи Аарон пуктас налысь мыжъяссӧ кӧзалы юр вылас. Сэсся мед тшӧктас торъя мортлы нуӧдны кӧзасӧ овтӧминӧ.

Левит 4:15

Сэсся войтырлӧн юрнуӧдысьяс мед пуктыласны кинысӧ ӧшлы юр вылас да начкасны ӧшсӧ Господь водзын.

Левит 4:29

Мед пуктылас кисӧ кӧзалы юр вылас, а сэсся мед начкас сійӧс мыжысь вись пыдди сэні, кӧні начкӧны сотан вись.

Левит 8:14

Мыжысь вись вайӧм могысь Мӧисей вайӧдіс ӧшкӧс. Аарон да сылӧн пияныс пуктылісны кинысӧ ӧшлы юр вылас.

Лыд 8:12

Левитъяс мед пуктыласны кинысӧ ӧшъяслы юр выланыс. Сэсся вай ӧшъясӧс Господьлы вись пыдди, ӧтисӧ – мыжысь вись пыдди, мӧдсӧ – сотан вись пыдди. Тадзи лоӧ вештӧма левитъяслысь мыжсӧ.

1 Петыр 3:18

Кристос ӧтчыдысь нуис сьӧкыдсӧ миян мыжъяс вӧсна, медым вайӧдны миянӧс Ен дінӧ. Сійӧ, веськыда олысь, куліс лёкнога олысьяс вӧсна. Сылысь вир-яйсӧ вӧлі виӧма, но Ловсянь Сійӧ ловзис,