Левит 4:3 - Коми Библия 2023

³ Мавтыштӧм поп кӧ мыж вӧчас, и сылӧн мыж вӧчӧмысь лоӧ мыжа став войтырыс, сэки сійӧ ас вӧснаыс мед ваяс Господьлы мыжысь вись пыдди дзоньвидза ӧшкӧс.

Левит 4:3 Kruisverwysings

2 Каднебӧг 29:21

Мыжысь вись пыдди найӧ вайисны сизим ӧшкӧс, сизим межӧс, сизим ыжӧс да сизим ай кӧзаӧс ӧксы вӧсна, крам вӧсна да став Иуда войтырыс вӧсна. Ӧксы тшӧктіс попъяслы, Ааронсянь чужысьяслы, сотны тайӧ пемӧсъяссӧ Господьлӧн висьпуктанін вылын.

Ездра 8:35

Пленысь локтӧмаяс вайисны Израильлӧн Енлы сотан висьяс: став Израиль войтыр вӧсна вайисны дас кык ӧшкӧс, ӧкмысдас квайт межӧс, сизимдас сизим баляӧс да мыжысь вись пыдди дас кык ай кӧзаӧс. Ставыс тайӧ вӧлі Господьлы вайӧм сотан вись.

Петӧм 29:14

А ӧшлысь яйсӧ, кучиксӧ да сювсӧ сот чомъяс сайын. Тайӧ лоӧ мыжысь вись.

Петӧм 29:21

Босьт висьпуктанін вылысь вир, босьт мавтыштан вый да рез наӧн Ааронӧс, сылысь пиянсӧ да налысь паськӧмнысӧ. Тадзи Аарон, сылӧн пияныс да налӧн паськӧмныс лоӧны вежаӧсь.

Петӧм 29:7

Сэсся босьт мавтыштан вый да кисьт Ааронлы юр вылас. Тадзи тэ мавтыштан сійӧс.

Петӧм 30:10

Ӧтчыдысь вонас Аарон мед сӧстӧммӧдас висьпуктанінлысь сюръяссӧ. Мыжысь висьлӧн вирнас сійӧ ӧтчыдысь вонас мед сӧстӧммӧдас висьпуктанінсӧ. Тадзи колӧ вӧчны чужысьяссянь чужысьясӧдз. Тайӧ висьпуктаніныс лоӧ вежасьыс-вежа, сійӧ – Господьлӧн».

Езекиль 40:39

Пыранінлӧн посводзын ӧтарладорас сулаліс кык пызан, и мӧдарладорас – кык пызан. На вылын начкылісны сотан висьяс, мыжысь висьяс да мыж вештан висьяс.

Езекиль 43:19

сет ӧшкӧс Левий чужанкотырысь Садок рӧдысь попъяслы, кодъяслы лэдзӧма матыстчыны Ме дінӧ Меным кесъялӧм могысь, – висьталӧ Господь Ыджыдыс. – Найӧ мед начкасны ӧшкӧс мыжысь вись пыдди.

Езекиль 44:27

а сійӧ лунӧ, кор локтас кесъявны вежаинлӧн пытшкӧс йӧрӧ, сылы колӧ вайны ас вӧснаыс мыжысь вись, – висьталӧ Господь Ыджыдыс.

Левит 1:10

Сотан висьнас кӧ лоӧ ыж либӧ кӧза, вись вайысь мед ваяс дзоньвидза ай пемӧсӧс да [сылы юр вылас кисӧ пуктылӧм бӧрын]

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Левит 16:11

Аарон мед начкас ӧшкӧс да ваяс сійӧс мыжысь вись пыдди ас вӧснаыс, медым вештыны ассьыс да гортсаясыслысь мыжсӧ.

Левит 16:3

Вежаинӧ пыригӧн Аарон мед вайӧдас мыжысь вись пыдди ӧшкӧс да сотан вись пыдди межӧс.

Левит 16:5

Израиль войтыр мед ваяс сылы кык ай кӧзаӧс мыжысь вись пыдди да ӧти межӧс сотан вись пыдди.

Левит 16:6

Сэсся Аарон ас вӧснаыс мед ваяс мыжысь вись пыдди ӧшкӧс, тадзи вештас ассьыс да гортсаясыслысь мыжсӧ.

Левит 4:14

Мыж вӧчӧм йылысь тӧдмалӧм бӧрын войтырлы колӧ вайны мыжысь вись пыдди ӧшкӧс. Ӧшсӧ мед вайӧдасны вежа чом водзӧ.

Левит 4:23

Мыж вӧчӧм йылысь тӧдмалӧм бӧрын сылы колӧ вайны вись пыдди дзоньвидза ай кӧзаӧс.

Левит 4:28

Мыж вӧчӧм йылысь тӧдмалӧм бӧрын сылы колӧ вайны вись пыдди дзоньвидза энь кӧзаӧс.

Левит 4:5

Мавтыштӧм [да вежӧдӧм] поп мед босьтас ӧшлысь вирсӧ да пыртас вежа чомйӧ.

Левит 5:6

Аслас мыжысь мед ваяс Господьлы мыж вештан вись пыдди ыжӧс либӧ энь кӧзаӧс. Поп мед вештас сылысь мыжсӧ.

Левит 6:18

Ааронсянь чужысь став айуловыс вермасны сёйны сійӧс. Господьлы вайӧм висьясысь тайӧ пайсӧ индӧма налы нэмъяс кежлӧ чужысьяссянь чужысьясӧдз. Ставыс, мый инмылас тайӧ вежасьыс-вежаторъяс дінӧ, лоӧ вежа».

Левит 8:12

Ааронлы юр вылас Мӧисей кисьтіс мавтыштан вый. Тадзи мавтыштіс да вежӧдіс сійӧс.

Левит 9:2

Ааронлы сійӧ шуис: «Мыжысь вись пыдди вайӧд дзоньвидза ӧшпиӧс, сотан вись пыдди – дзоньвидза межӧс. Сувтӧд найӧс Господь водзӧ.

Левит 9:3

Израиль пиянлы висьтав, мед вайӧдасны мыжысь вись пыдди ай кӧзаӧс, а сотан вись пыдди – арӧса да дзоньвидза [межӧс,] ӧшкӧс да баляӧс.

Лыд 16:22

Но Мӧисей да Аарон кымынь уськӧдчисны муас да шуисны: «Енмӧй, Тэ став ловъя олысьыслӧн Ен! Тэ ӧмӧй став войтырыс вылӧ скӧрман ӧти мортлӧн мыж вӧсна?»

Лыд 8:8

Найӧ мед вайӧдасны ӧшкӧс, и ӧшкӧд мед ваясны олив выйӧн гудралӧм шобді пызь, мый лоӧ нянь вись пыдди. А тэ вайӧд мӧд ӧшкӧс, сійӧ лоӧ мыжысь вись пыдди.

Римӧ 8:3

Ен вӧчис сійӧ, мый эз вӧв вермана Индӧдыслы, ӧд мортлӧн тшыкӧм вир-яй вӧсна Индӧдыс вӧлі вынтӧм. Миян мыжъяс вӧсна Енмыс мӧдӧдіс Ассьыс Писӧ мыжа морт кодьӧн. Тадзи морт вир-яйын Сійӧ мыждіс мортлысь мыжсӧ,

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Еврейяслы 5:3

Та вӧсна сылы колӧ вайны вись оз сӧмын йӧзлӧн мыжъяс вӧсна, но и аслас мыжъяс вӧсна.

Еврейяслы 9:12

Кристос пырис Вежасьыс-вежаинӧ эз кӧза вирӧн, эз ӧш вирӧн, а Аслас вирӧн. Тадзи Сійӧ ӧтчыдысь да пыр кежлӧ мездіс миянӧс мыжъясысь.