Левит 3:2 - Коми Библия 2023

² Мед пуктылас кисӧ пемӧслы юр вылас, а сэсся мед начкас сійӧс вежа чом пыранін дорын. Та бӧрын попъяс, Ааронсянь чужысьяс, мед вирнас резасны висьпуктанінсӧ быд боксянь.

Левит 3:2 Kruisverwysings

Петӧм 29:10

Вайӧд ӧшкӧс вежа чом водзӧ. Аарон да сылӧн пияныс мед пуктыласны кинысӧ ӧшлы юр вылас [Господь водзын вежа чом пыранін дорын].

Петӧм 29:11

Ӧшсӧ начкы Господь водзын вежа чом пыранін дорын.

Петӧм 29:15

Сэсся босьт межӧс, и Аарон пияныскӧд мед пуктыласны кинысӧ межлы юр вылас.

Петӧм 29:16

Начкы межсӧ да рез сылӧн вирнас висьпуктанінсӧ быд боксянь.

Петӧм 29:19

Сэсся босьт мӧд межӧс, и Аарон пияныскӧд мед пуктыласны кинысӧ межлы юр вылас.

Исай 53:6

Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Левит 1:11

мед начкас сійӧс Господь водзын висьпуктанін войвывладорын. Попъяс, Ааронсянь чужысьяс, мед вирнас резасны висьпуктанінсӧ быд боксянь.

Левит 17:3

Израиль войтыр пӧвстысь [либӧ на ордӧ овмӧдчысьяс пӧвстысь] кӧ кодкӧ начкас ӧшкӧс, ыжӧс либӧ кӧзаӧс чомъяс дорын либӧ чомъяс сайын,

Левит 17:4

а оз вайӧд сійӧс вежа чом пыранін дорӧ, [медым вайны сотан вись либӧ бурасян вись пыдди, мый лоӧ Господьлы шогмана чӧскыд ӧвтантор,] медым Господьлӧн оланін водзын вайны сійӧс Господьлы вись пыдди, сэки тайӧ мортыс лоӧ мыжа вир кисьтӧмысь. Сійӧс лоӧ бырӧдӧма аслас войтыр пӧвстысь.

Левит 3:3

Вись вайысь мед ваяс Господьлы ӧшлысь либӧ мӧслысь пытшкӧс госсӧ,

Левит 3:8

Мед пуктылас кисӧ ыжлы юр вылас, а сэсся мед начкас сійӧс вежа чом пыранін дорын. Та бӧрын Ааронсянь чужысьяс мед вирнас резасны висьпуктанінсӧ быд боксянь.

Левит 8:22

Попӧ сувтӧдан вись вайӧм могысь Мӧисей вайӧдіс мӧд межӧс. Аарон пияныскӧд пуктылісны кинысӧ межлы юр вылас.

Закар 12:10

Ме сета Давид рӧдлы да Ерусалимын олысьяслы буралана да кевмысяна лов. Найӧ видзӧдласны Сы вылӧ, кодӧс бытшкисны. Найӧ пондасны бӧрдны Сы вӧсна, кыдзи бӧрдӧны ӧтка пи вӧсна, пондасны шогсьыны, кыдзи шогсьӧны медводдза пи вӧсна.

Лыд 18:17

Но мӧслысь, ыжлысь да кӧзалысь медводдза чужысьясӧс оз ков бӧр ньӧбны, ӧд найӧ вежаӧсь. Налӧн вирӧн тэныд колӧ резны висьпуктанін, а госсӧ сотны вись пыдди. Тайӧ – Господьлы чӧскыд ӧвтантор.

Ап. уджъяс 3:15

Ті олӧм Сетысьӧс виинныд, но Енмыс ловзьӧдіс Сійӧс. Тайӧс ми аддзылім да висьталам та йылысь.

Ап. уджъяс 3:26

Ен ловзьӧдіс Ассьыс Писӧ, Исусӧс, да мӧдӧдіс Сійӧс медводз тіян дінӧ, медым бергӧдны тіянӧс лёксьыс да бурсины тіянӧс».

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.