Левит 3:16 - Коми Библия 2023

¹⁶ Поп мед сотас тайӧс висьпуктанін вылын. Тайӧ лоӧ чӧскыда ӧвтысь сотан вись. Став госсӧ колӧ сотны Господьлы.

Левит 3:16 Kruisverwysings

Олӧм 4:4

Авель вайис медводдза чужӧм баляясӧс да налысь госсӧ. Господь сибӧдіс Авельӧс да сылысь козинсӧ.

2 Каднебӧг 29:35

Сотан висьяс кындзи колӧ вӧлі сотны бурасян вись пыдди вайӧм пемӧсъяслысь госсӧ и сотан виськӧд ӧтвыв вайны вина вись. Тадзи вӧлі выльысь лӧсьӧдӧма Господьлӧн крамын кесъялӧмсӧ.

2 Каднебӧг 7:7

Соломон вежӧдіс Господьлӧн крам йӧрлысь шӧр юкӧнсӧ, сотіс сэні сотан висьяс да бурасян вись пыдди вайӧм пемӧсъяслысь госсӧ. Ӧд Соломон тшӧктӧм серти вӧчӧм ыргӧн висьпуктанін вылӧ эз тӧр сотан вись, нянь вись да пемӧсъяслӧн госыс.

Петӧм 29:13

Сэсся босьт ӧшпилысь пытшкӧс госсӧ, мус вывсьыс госа юкӧнсӧ, кыкнан вӧрксӧ госнас да сот висьпуктанін вылын.

Петӧм 29:22

Босьт межлысь бӧждор госсӧ, пытшкӧс госсӧ, мус вывсьыс госа юкӧнсӧ, кыкнан вӧрксӧ госнас да веськыдладор задвыв яйсӧ, ӧд тайӧ межыс – попӧ сувтӧдан вись.

Исай 53:10

Господьлӧн вӧлі шуӧма дойдны Сійӧс, мӧдӧдны Сылы сьӧкыдлунъяс. Но кор Сійӧ Асьсӧ ваяс мыж вештан вись пыдди, Сійӧ аддзас Сысянь чужысьясӧс, кодъяс кутасны дыр овны. Господьлӧн кӧсйӧмыс инас Сы пыр.

Езекиль 44:15

Левий чужанкотырысь сӧмын Садок рӧдысь попъяслы, кодъяс эз дугдывны кесъявны Менам вежаинын, кор Израиль пиян кежисны Меысь, позьӧ матыстчыны Ме дінӧ да кесъявны Меным. Найӧ пондасны сулавны Ме водзын да вайны Меным гос да вир, – висьталӧ Господь Ыджыдыс. –

Левит 17:6

Вежа чом пыранін дорысь Господьлысь висьпуктанінсӧ поп мед резас пемӧс вирӧн, а госсӧ мед сотас Господьлы чӧскыда ӧвтан вись пыдди.

Левит 4:26

Став госсӧ мед сотас висьпуктанін вылын, кыдзи сотӧны бурасян висьлысь госсӧ. Тадзи поп вештас юралысьлысь мыжсӧ, и сійӧс лоӧ прӧститӧма.

Левит 4:31

Мед перъялас кӧзалысь став госсӧ бурасян висьлысь госсӧ моз да сотас висьпуктанін вылын. Тайӧ лоӧ Господьлы чӧскыда ӧвтан вись. Тадзи поп вештас вись вайысьлысь мыжсӧ, и сійӧс лоӧ прӧститӧма.

Левит 8:25

Мӧисей босьтіс межлысь бӧждор госсӧ, пытшкӧс госсӧ, мус вывсьыс госа юкӧнсӧ, кыкнан вӧрксӧ госнас да веськыдладор задвыв яйсӧ.

Левит 9:24

Господьсянь петіс би да сотіс висьпуктанін вылысь сотан висьсӧ да госсӧ. Тайӧс аддзӧм бӧрын войтырыс нимкодьысла горӧдіс да кымынь уськӧдчис муӧ.

Матвей 22:37

Исус шуис: «Радейт Господьӧс, ассьыд Ентӧ, став сьӧлӧмнад, став олӧмнад да став мывкыднад.