Левит 27:15 - Коми Библия 2023

¹⁵ Мортыс кӧ сиӧм керкасӧ кӧсъяс бӧр ньӧбны, сэки индӧм доныс дінӧ мед содтас керка доныслысь витӧд пайсӧ. Та бӧрын керкаыс бара лоӧ сылӧн.

Левит 27:15 Kruisverwysings

Левит 27:13

Мортыс кӧ сиӧм пемӧссӧ кӧсъяс бӧр ньӧбны, сэки индӧм доныс дінӧ мед содтас пемӧс доныслысь витӧд пайсӧ.

Левит 27:14

Коді ассьыс керкасӧ сиас Господьлы, мед шыасяс поп дінӧ. Поп мед донъялас керкасӧ сы серти, бур-ӧ сійӧ. Кыдзи поп донъялас, сэтшӧм доныс и лоӧ.

Левит 27:16

Коді Господьлы сиас рӧдвуж овмӧссьыс мусӧ, сійӧ мед шуас муыслы донсӧ сы серти, мыйта сэтчӧ позьӧ кӧдзны. Муысь, кытчӧ позьӧ кӧдзны хомер мында ид, доныс мед лоӧ ветымын сикель эзысь.

Левит 27:27

А медводдза чужысьыс кӧ пеж пемӧслӧн, сійӧс колӧ бӧр ньӧбны, и индӧм доныс дінӧ колӧ содтыны пемӧс доныслысь витӧд пайсӧ. Пемӧссӧ кӧ оз ло бӧр ньӧбӧма, сійӧс колӧ вузавны индӧм донысь.

Левит 5:16

Господьлӧн вежаторлы паныд мыж вӧчӧмысь морт мед мынтас поплы индӧм донсӧ сы дінӧ витӧд пай содтӧмӧн. Поп мед ваяс межӧс мыж вештан вись пыдди, тадзи вештас мыжа мортлысь мыжсӧ, и сійӧс лоӧ прӧститӧма.