Левит 26:6 - Коми Библия 2023

⁶ Тіян муӧ Ме вая лӧнь олӧм. Воданныд узьны, и тіянӧс некод оз повзьӧд. Тіян муысь Ме ылыста зверъясӧс, сэні оз лоны тышъяс.

Левит 26:6 Kruisverwysings

Ӧксыяслӧн 4 небӧг 2:24

Елисей бергӧдчис налань, видзӧдліс на вылӧ да ёрис Господь нимӧн. Сэки кык ош петісны вӧрсьыс да косявлісны зонпосни пӧвстысь нелямын кык зонкаӧс.

1 Каднебӧг 22:9

Но тэнад чужас пи, сійӧ лоас лӧня олысь морт. Ме доръя сійӧс став кытшалысь вӧрӧгысь. Сылӧн нимыс лоӧ Соломон, сылӧн веськӧдлан кадӧ Ме сета Израильлы лӧнь олӧм да шойччӧг.

2 Каднебӧг 20:30

Иосафат ӧксылӧн му вылӧ пуксис лӧнь олӧм, сылӧн Енмыс быд боксянь сетіс сылы лӧньлун.

Иов 11:19

тэ водан шойччыны, и некод тэнӧ оз повзьӧд, унаӧн кутасны тэнсьыд отсӧг корны.

Иов 5:23

Весиг изъяс тэ дор лоасны, зверъяс кутасны овны тэкӧд лӧня.

Псалтыр 144:14

Господь кутыштӧ нюкыртчӧмаӧс, Сійӧ лэптӧ усьӧмаӧс.

Псалтыр 29:11

Господьӧй, кыв менӧ, ло бур сьӧлӧма ме дінӧ. Господьӧй, отсав меным!»

Псалтыр 3:5

Ме шыася Господь дінӧ, и Сійӧ вочавидзас меным Аслас вежа керӧссянь.

Псалтыр 4:8

Тэ сетан менам сьӧлӧмӧ нимкодьлунсӧ ёна унджык на дорысь, кодъяслӧн тырмымӧн [вый,] нянь да вина.

Псалтыр 85:8

Господьӧй, енъяс пӧвстын Тэ кодь мӧдыс абу, абуӧсь Тэ моз вӧчӧм уджъясыс.

Петӧм 23:29

Но ог вӧтлы найӧс ӧти воӧн, медым муыс эз овтӧммы, эз рӧдмыны сэні зверъяс да эз усьласьны тіян вылӧ.

Шусьӧгъяс 3:24

узьны водігад он кут повны, унмыд лоӧ чӧскыд.

Шусьӧгъяс 6:22

Кутан мунны – и найӧ нуӧдасны тэнӧ, водан узьны – и видзасны тэнӧ, садьман – и пондасны сёрнитны тэкӧд.

Исай 35:8

Овтӧминті кутас мунны паськыд туй, сійӧс нимтасны Вежа туйӧн. Пежасьӧм морт оз кут ветлыны сы вывті, сійӧ лоӧ сӧмын Ен войтырлы туйӧн. Сэті мунысьяс, весиг мывкыдтӧмъяс, оз вошны.

Исай 35:9

Сэні оз паныдась лев, звер оз тыдовтчы сэні. Сэті ветлӧны сӧмын мездмӧмаяс.

Исай 45:7

Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Еремей 30:10

– Эн пов, Менам Яков кесйӧгӧй, – висьталӧ Господь, – эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Еремей 31:26

Ме садьми да восьті синмӧс, менам вӧтӧй вӧлі сьӧлӧм серти.

Езекиль 14:15

Ме кӧ мӧдӧді сэтчӧс олысьяс вылӧ зверъясӧс, медым муыс овтӧммис да эз ло сэті ветлысь-мунысьыс,

Езекиль 14:17

Ме кӧ мӧдӧді сійӧ му вылас шыпурт, тшӧкті сылы мунны му вывтіыс и бырӧді сэтысь йӧзсӧ да ыж-мӧссӧ,

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Езекиль 34:25

Ме кӧртала накӧд лӧньлун вайысь йитӧд, бырӧда зверъясӧс налӧн муысь, медым Менам ыжъясӧй вермисны повтӧг овны овтӧминын да узьны вӧрын.

Езекиль 34:27

Пуяс кутасны вайны вотӧс, муыс сетас ассьыс быдтас. Менам войтырӧй кутас повтӧг овны аслас му вылын. Ме жугӧда налӧн сьылі вылысь сийӧссӧ да мезда найӧс нартитысьяслӧн кипод улысь. Сэки найӧ тӧдмаласны, мый Ме – Господь.

Езекиль 5:17

Тіян тшыгъялӧм дырйи Ме ыста тіян вылӧ зверъясӧс, кодъяс виасны ныв-пинытӧ. Тіянӧс суас пӧрӧс висьӧм да вир кисьтӧм. Ме вайӧда тіян вылӧ шыпуртӧс. Тайӧс висьтала Ме, Господь».

Осий 2:18

Сійӧ лунӧ Аслам войтырлы бур вылӧ Ме кӧртала йитӧд зверъяскӧд, енэжвыв лэбачьяскӧд да мувыв гаг-веглясьысьяскӧд. Ме чегъяла ньӧввуж-шыпуртъяс, ылыста налӧн муысь тышъяс да сета налы повтӧг овны.

Осий 2:20

Ме кикута тэкӧд да кывйӧс ог вудж, и тэ тӧдмалан Менӧ, Господьӧс.

Левит 25:18

Кутчысьӧй Менам индӧд-тшӧктӧмъясӧ, олӧй на серти, и ті кутанныд повтӧг овны асланыд муын.

Левит 25:19

Муыс кутас сетны быдтас, тіян сёянныд пӧтмӧн лоӧ, и ті кутанныд повтӧг овны.

Левит 26:22

Мӧдӧда тіян вылӧ зверъясӧс, и найӧ гусявласны ныв-пинытӧ да косявласны ыж-мӧснытӧ. Ті кутанныд чинӧмӧн чинны, и тіян туйяс вывті ветлысь-мунысьыс оз ло.

Левит 26:25

Йитӧд торкӧмысь Ме вайӧда тіян вылӧ вӧрӧгӧс. Татшӧм ногӧн тіянлысь водзӧс перъя. Дзебсянныд кӧ асланыд каръясӧ, Ме мӧдӧда тіян вылӧ пӧрӧс висьӧм, сета тіянӧс вӧрӧг киӧ.

Левит 26:7

Ті кутанныд вӧтлыны вӧрӧгъяснытӧ, найӧ куласны тіян шыпурт помысь.

Микей 4:4

Но быдӧн кутас пукавны аслас виноград йӧрын, аслас инжир пу улын, некод оз кут найӧс повзьӧдлыны. Тадзи висьталіс Господь Саваоф.

Софоний 3:13

Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Аггей 2:9

Тайӧ крамыслӧн дзирдлуныс лоӧ воддза дорсьыс на мичаджык, – висьталӧ Господь Саваоф. – Тані Ме сета лӧньлун да бур олӧм, – висьталӧ Господь Саваоф».

Закар 9:10

Сійӧ пасьвартас Ефремысь тарантасъяссӧ, бырӧдас Ерусалимысь вӧвъяссӧ, чегъялас тышкасян ньӧввужъяссӧ. Сійӧ юӧртас войтыръяслы лӧнь олӧм йылысь, пондас юравны саридзсянь саридзӧдз, Ефрат юсянь му помӧдз.

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

Ап. уджъяс 12:6

Петкӧдан лунлы паныда войӧ Петыр узис кык шыпурта костын. Сійӧс вӧлі дорӧма кык чептӧн, а дзескыдін ӧдзӧс дорын сулалісны видзысьяс.

Римӧ 5:1

Сідзкӧ, эскӧм вӧсна миянӧс шуӧма веськыдӧн, Исус Кристос Господьным пыр миян эм Енкӧд бурасьӧм.