Левит 26:45 - Коми Библия 2023

⁴⁵ На ради Ме тӧд вылӧ уськӧда Ассьым йитӧдӧс, мый кӧрталі налӧн батьяскӧд, кодъясӧс мукӧд войтыръяслӧн син водзын петкӧді Египет муысь, медым лоны налӧн Енмӧн. Ме – Господь».

Левит 26:45 Kruisverwysings

Олӧм 12:2

Ме сета тэсянь чужны унасьыс-уна войтырлы, бурсиа да нимӧда тэнӧ, и тэ лоан мукӧдлы бурсиӧмӧн!

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Олӧм 26:24

Сэні войнас сылы петкӧдчис Господь да шуис: «Ме Ӧвраамлӧн, тэнад батьлӧн, Ен. Эн пов, ӧд Ме тэкӧд. Менам Ӧвраам кесйӧг вӧсна Ме бурсиа тэнӧ да содта тэсянь чужысьясӧс».

Олӧм 28:15

Ме лоа тэкӧд. Ме видза тэнӧ быдлаын, кытчӧ тэ мунан, да бӧр вайӧда тэнӧ тайӧ муас. Ме ог коль тэнӧ, а вӧча сійӧ, мый кӧсйыси тэныд».

Олӧм 9:15

сэки Ме уськӧда тӧд вылӧ Ассьым йитӧдӧс, мый Ме кӧрталі тіянкӧд да став ловъя олысьыскӧд. Сэсся став олӧмсӧ бырӧдысь ойдӧмыс оз нин ло.

Петӧм 2:24

Ен кыліс ойзӧмсӧ налысь да уськӧдіс тӧд вылас Ассьыс йитӧдсӧ, мый Сійӧ кӧрталіс Ӧвраамкӧд, Исааккӧд да Яковкӧд.

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Петӧм 6:6

Висьтав Израиль пиянлы: Ме – Господь. Ме чорыда мыжда Египет войтырӧс, а тіянӧс петкӧда налӧн нартитӧм улысь. Ме нюжӧда киӧс да мезда тіянӧс.

Петӧм 6:8

Ме нуӧда тіянӧс муӧ, мый киӧс лэптӧмӧн кӧсйыси сетны Ӧвраамлы, Исааклы да Яковлы. Ме сета сійӧс тіянлы, ӧд Ме – Господь».

Езекиль 20:14

Но Аслам нимӧй вӧсна Ме тайӧс эг вӧч, медым Менсьым нимӧс эз ло янӧдӧма мукӧд войтыръяс водзын, кодъяслӧн син водзын Ме петкӧді найӧс Египетысь.

Езекиль 20:22

Но Аслам нимӧй вӧсна Ме эг лэпты киӧс на вылӧ, медым Менсьым нимӧс эз ло янӧдӧма мукӧд войтыръяс водзын, кодъяслӧн син водзын Ме петкӧді найӧс Египетысь.

Езекиль 20:9

Но Аслам нимӧй вӧсна Ме тайӧс эг вӧч, медым Менсьым нимӧс эз ло янӧдӧма мукӧд войтыръяс водзын, кодъяс пӧвстын найӧ вӧлі олӧны. Ӧд тайӧ войтыръясыслӧн син водзын Ме восьті Ачымӧс Израиль войтырлы, кор петкӧді найӧс Египет муысь.

Левит 11:45

Ӧд Ме – Господь. Ме петкӧді тіянӧс Египет муысь, медым лоны тіян Енмӧн. Сідзкӧ, лоӧй вежаӧсь, ӧд Ме – вежа».

Левит 22:33

Ме петкӧді тіянӧс Египетысь, медым лоны тіян Енмӧн. Ме – Господь».

Левит 25:38

Ме – Господь, тіян Енныд. Ме петкӧді тіянӧс Египет муысь, медым сетны тіянлы Ханаан му да лоны тіян Енмӧн.

Римӧ 11:12

Налӧн крукасьӧмыс кӧ вайис озырлун муюгыдыслы да Енсьыс кежӧмыс кӧ озырмӧдіс ентӧдтӧмъясӧс, сэки мыйта озырлун ваяс став Израильлӧн Ен дінӧ бергӧдчӧмыс?

Индӧд 4:31

Ӧд Господь, тіян Енныд – [бур да] мелі сьӧлӧма Ен. Сійӧ оз эновт да оз бырӧд тіянӧс. Сійӧ оз вунӧд, мый тіян батьяскӧд кыв сетӧмӧн кӧрталіс йитӧд.

Индӧд 9:27

Эн вунӧд Ассьыд Ӧвраам, Исаак да Яков кесйӧгъястӧ [кодъяслы Тэ Ачыд кыв сетін]. Эн видзӧд тайӧ войтырыслӧн асныралӧм, лёк вӧчӧм да мыж вылӧ,