Левит 26:30 - Коми Библия 2023

³⁰ Вись ваян мылькъяснытӧ Ме бырӧда, тшынӧдчан висьпуктанінъястӧ жугла, шойяснытӧ шыблала жуглӧм бӧлбанъясныд вылӧ. Ті лоанныд Меным зывӧкӧсь.

Левит 26:30 Kruisverwysings

Олӧм 19:13

ӧд ми бырӧдам тайӧ карсӧ. Ыджыд горзӧм кыптӧ Господьӧдз татчӧс олысьяс вылӧ, сійӧн Господь ыстіс миянӧс бырӧдны карсӧ».

Ӧксыяслӧн 3 небӧг 13:2

Сійӧ горӧдӧмӧн шуис висьпуктанінлы Господьлысь кывсӧ: «Висьпуктанін, висьпуктанін! Господь тадзи висьталӧ: ”Давид рӧдын чужас Иосей нима пи. Мылькъяс вылын кесъялысь попъясӧс сійӧ ваяс вись пыдди тэ вылын, сотас тэ вылын тшынӧдчысьяслысь лыяссӧ”».

Ӧксыяслӧн 3 небӧг 13:32

Инас ставыс, мый Господьлӧн тшӧктӧм серти сійӧ шуис Вефильӧ сувтӧдӧм висьпуктанін йылысь да самарияса вись ваян мылькъяс вылын сулалысь юрбитанінъяс йылысь».

Ӧксыяслӧн 4 небӧг 23:16

Гӧгӧрбок видзӧдалігӧн Иосей аддзис керӧс пӧлӧнысь шойна. Сійӧ тшӧктіс перъявны сэтысь лыяссӧ да сотіс найӧс висьпуктанін вылын. Тадзи пежаліс висьпуктанінсӧ Господьлӧн шуӧмыс серти, мый йылысь Енлӧн морт водзынджык юӧртліс. [Сійӧ юӧртліс та йылысь сэки, кор Еровам ӧксы сулаліс гаж дырйи висьпуктанін водзын. А ӧні гӧгӧрбок видзӧдалігӧн Иосей аддзис дзебанінсӧ Енлӧн мортлысь, коді водзвыв висьтавліс тайӧ лоӧмторйыс йылысь.]

Ӧксыяслӧн 4 небӧг 23:20

Вись ваян мылькъяс вылын кесъялысь попъясӧс Иосей виис налӧн висьпуктанінъяс вылын, тшӧтш сотіс сэні шойнаысь перйӧм лыяссӧ. Та бӧрын ӧксы бӧр локтіс Ерусалимӧ.

Ӧксыяслӧн 4 небӧг 23:8

Ӧксы вуджӧдіс иудаса мукӧд каръясысь став попсӧ Ерусалимӧ да пежаліс Гевасянь Бер-Шеваӧдз вись ваян мылькъяс, кӧні найӧ сотісны висьяс. Сійӧ жугліс карса юралысь Исуслӧн дзиръя дорысь вись ваян мылькъяс, кодъяс сулалісны карӧ пыран дзиръя шуйгаладорын.

2 Каднебӧг 23:17

Став войтырыс муніс Вааллы юрбитанінӧ да жугӧдіс сійӧс. Найӧ торпыригӧдз жуглісны висьпуктанінъяс да бӧлбанъяс, а Вааллысь Маттан нима попӧс виисны висьпуктанін водзас.

2 Каднебӧг 31:1

Гажӧдчӧм бӧрын став Израиль войтырыс разӧдчис иудаса каръясӧ. Найӧ жуглісны юрбитан изъяс, пӧрӧдісны юрбитан пуяс, пазӧдісны вись ваян мылькъяс да висьпуктанінъяс став Иуда му пасьталаысь, тшӧтш Венямин, Ефрем да Манассей чужанкотыръяслӧн муысь. Та бӧрти Израиль войтырысь быдӧн бӧр муніс аслас муӧ да карӧ.

Псалтыр 106:40

Сэки Господь чорыда янӧдӧ налысь юрнуӧдысьяссӧ, эновтӧ найӧс шӧйтны-ветлыны овтӧминӧд.

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

Еремей 14:19

– Господьӧй, Тэ ӧмӧй дзикӧдз ӧтдортін Иудаӧс? Тэ ӧмӧй мустӧмтан Сионӧс? Мыйла Тэ сэтшӧма дойдалін миянӧс, мый огӧ вермӧй бурднысӧ? Ми виччысим лӧнь олӧм, но нинӧм бурыс эз ло миянлы. Ми виччысим бурдӧм, но воис повзьӧдан кад.

Еремей 16:18

Налӧн мыжъясысь да лёк вӧчӧмъясысь Ме кык пӧвстӧн налысь водзӧс перъя, перъя сыысь, мый найӧ пежалісны Менсьым муӧс зывӧк идолъяснаныс, тыртісны пежторъяснаныс».

Езекиль 16:39

Ме сета тэнӧ мусукъясыдлӧн киӧ, и найӧ жугласны тэнсьыд юрбитан мылькъястӧ, пӧрччӧдасны тэ вылысь паськӧмтӧ да мичмӧдчанторъястӧ, колясны тэнӧ пасьтӧгыд.

Езекиль 43:7

«Морт пиӧй, тайӧ крамыс Менам юралан пуклӧсӧй да Менам кок улӧй. Тані Ме кута овны Израиль пиян пӧвстын нэмъяс чӧж. Израиль войтыр да налӧн ӧксыясыс оз нин кутны пежавны Менсьым вежа нимӧс идолъяслы сетчӧмнас да кулӧм ӧксыясныслы ыджыд казьтылан изъяс сувтӧдӧмнас.

Езекиль 6:13

Кор налӧн шойясыс кутасны туплясьны налӧн идолъяскӧд орччӧн, висьпуктанінъяс гӧгӧр, быд джуджыд мыльк вылын да быд керӧс йылын, быд пашкыр пу улын да веж коръя тупу улын – быдлаын, кӧні асланыс идолъяслы вайлісны чӧскыда ӧвтан висьяс, сэки ті тӧдмаланныд, мый Ме – Господь.

Осий 10:2

Кык пельӧ торъяліс налӧн сьӧлӧмыс, та вӧсна найӧс лоӧ мыждӧма. Господь пазӧдас налысь висьпуктанінъяссӧ, жуглас юрбитан изъяссӧ.

Левит 20:23

Энӧ олӧй войтыръяс моз, кодъясӧс Ме вӧтла тіян водзысь. Найӧ вӧчӧны став тайӧ зывӧкторсӧ, та вӧсна Ме мустӧмта найӧс.

Левит 26:11

Ме ог кут зывӧктыны тіянӧс, Ассьым оланінӧс сувтӧда тіян шӧрӧ.

Левит 26:15

мустӧмтанныд-зывӧктанныд кӧ Менсьым индӧд-тшӧктӧмъясӧс, Менам тшӧктӧмъяс серти кӧ онӧ олӧй, а торканныд Менсьым йитӧдӧс,

Амос 6:8

Яков рӧдлӧн вылӧ кыпӧдчӧмыс Меным зывӧк, сылысь изкарсӧ Ме мустӧмта, – висьталӧ Господь Ен Саваоф. – Та вӧсна Ме, Господь Ыджыдыс, кыв сета, мый карсӧ ставнас вӧрӧглы коля.

Амос 7:9

Исаак рӧдлӧн вись ваян мылькъясыс кушмасны, Израильлысь вежаинъяссӧ лоӧ жуглӧма, Ме сувта шыпуртӧн Еровам рӧдлы паныд.

Индӧд 32:19

Господь аддзис тайӧс [да ёна скӧрмис], скӧрмис Аслас ныв-пиыс вылӧ да ӧтдортіс найӧс.