29 Ныв-пиныдлысь яйсӧ ті сёйны кутанныд.
Ме вӧча сідзи, мый тайӧ карас олысьяс пондасны сёйны асланыс ныв-пилысь яйсӧ. Ыджыд шог дырйи, кор вӧрӧг кытшалас да дзескӧдас найӧс, и кӧсъяс босьтны налысь олӧмсӧ, найӧ пондасны сёйны ӧта-мӧдныслысь яйсӧ.
Видзӧдлы, Господьӧй, видзӧдлы, кодлы Тэ тадзисӧ вӧчин! Мамъяс сёйӧны челядьнысӧ, морӧснас нёньӧдӧм каганысӧ. Господьлӧн вежаинын куйлӧны виӧм попъяс да пророкъяс.
Небыд сьӧлӧма мамъяс пуисны ассьыныс челядьнысӧ, менсьым войтырӧс бырӧдан кадӧ кагаясныс лоины налы сёянӧн.
Батьыс кутас сёйны писӧ, а пияныс кутасны сёйны батьнысӧ. Ме мыжда тэнӧ, Ерусалим, а тэнсьыд ловйӧн кольӧмаястӧ тӧвйыв разӧда.
Сійӧ лунъясӧ ёна сьӧкыд лоӧ нӧбасьысьяслы да нёньӧдчысьяслы.
Воасны лунъяс, кор шуасны: ”Шудаӧсь нӧбасьлытӧмъяс, кага вайлытӧмъяс да морӧснас нёньӧдлытӧмъяс”.
