Левит 26:19 - Коми Библия 2023

¹⁹ Тіянлысь пыксьӧм-асныралӧмнытӧ Ме песовта. Вӧча сідзи, мый тіян весьтын енэжыс кӧрт кодь лоӧ, а муныд – ыргӧн кодь.

Левит 26:19 Kruisverwysings

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 8:35

Израиль войтырлӧн Тэныд паныд мыж вӧчӧм вӧсна кӧ енэжыс оз сет зэрсӧ, но сэсся кӧ найӧ кевмысясны тайӧ крамас, нимӧдасны Тэнӧ да бергӧдчасны мыжсьыныс, мыйысь Тэ мыждін найӧс,

Исай 2:12

Господь Саваофлӧн дасьтӧма лун, кор Сійӧ кутас мыждыны вылӧ кыпӧдчысьясӧс, ышнясьысьясӧс да вывтіасьысьясӧс, и найӧс лоӧ улӧ лэдзӧма.

Исай 25:11

Сэні сійӧ вартчысь моз кутас шенасьны кинас. Но Енмыс улӧ лэдзас сылысь вылӧ кыпӧдчӧмсӧ да сылысь наяна вӧчӧмсӧ.

Исай 26:5

Сійӧ уськӧдіс вылын олысьясӧс, муас шыбитіс налысь вылын сулалысь карсӧ.

Исай 28:1

Курыд шог юркытшлы, мыйӧн ошйысьӧны код юра ефремсаяс. Курыд шог нярмӧм дзоридзлы – ефремсаяслӧн мичмӧданторлы да ошйысянторлы. Курыд шог карлы, коді сулалӧ керӧс вылын, бур муа ковтыс весьтын. Сэтчӧс олысьяссӧ вермӧма винаыс.

Еремей 13:9

«Господь тадзи висьталӧ: Иуда войтырлӧн ышнясьӧмлы да Ерусалимын олысьяслӧн ёна ышнясьӧмлы Ме тадзи жӧ пукта пом.

Еремей 3:3

Та вӧсна зэрыс эз вӧв, эз киссьы тувсовъя зэр. Тэнад чужӧмыд кырсалысь аньлӧн кодь, тэ воштӧмыд яндзимтӧ.

Езекиль 24:21

Господь Ыджыдыс тшӧктіс меным висьтавны Израиль войтырлы, мый Сійӧ тадзи висьталӧ: Ме сета пежавны Ассьым вежаинӧс – тіянлысь син гажӧданторнытӧ да сьӧлӧм бурӧданторнытӧ, тіянлысь зумыд пыкӧднытӧ, мыйӧн ті ошйысянныд. Ныв-пиныд, кодъясӧс ті колинныд карас, куласны шыпурт помысь.

Езекиль 30:6

Господь тадзи висьталӧ: Египетлы отсасьысьяс усясны. Бырас Египетлӧн выныс, мыйӧн сійӧ ошйысьӧ. Мигдолсянь Сиенаӧдз йӧзыс шыпурт помысь куласны, – висьталӧ Господь Ыджыдыс. –

Езекиль 33:28

Тайӧ мусӧ Ме кушта, и бырас сылӧн выныс, мыйӧн сійӧ ошйысьӧ. Овтӧммасны Израиль керӧсъяс, сэті ветлысь-мунысьыс оз ло.

Езекиль 7:24

Ме вайӧда лёксьыс-лёк войтыръясӧс, и найӧ босьтасны Ерусалимын олысьяслысь керкаяссӧ. Вынаяслӧн ыкшаасьӧмлы Ме пукта пом, вежаинъяснысӧ лоӧ пежалӧма.

Софоний 3:11

Сійӧ лунӧ тэ он нин кут янӧдны асьтӧ лёк уджъясӧн, мый тэ вӧчлін Меным паныд, ӧд сэки Ме ылыста тэ пӧвстысь вылӧ кыпӧдчысьясӧс, тэ он нин понды ышнясьны Менам вежа керӧс вылын.

Лука 4:25

Збыльысь висьтала тіянлы: Илля пророк дырйи куим во да джын зэр тусь эз усьлы енэжсьыс, та вӧсна унаӧн тшыгъялісны му пасьталаыс. Сэки уна дӧва вӧлі Израильын.

Индӧд 11:17

Тадзи кӧ вӧчанныд, сэки Господьлӧн скӧрлуныс ыпнитас тіян вылӧ, и Сійӧ тупкас енэжсӧ, оз сет зэрсӧ. Муыс оз сет быдтассӧ, и ті регыдъя кадӧн быранныд сійӧ бур му вывсьыс, мый Господь сетас тіянлы.

Индӧд 28:23

Енэжыс юр весьтаныд лоӧ ыргӧн вевт кодь, муыс кок уланыд – кӧрт кодь.

Ӧксыяслӧн 1 небӧг 4:11

Филистимсаяс мырддисны Енлысь кудсӧ, а Илийлысь Офни да Пинес пиянсӧ виисны.

Ӧксыяслӧн 1 небӧг 4:3

Кор израильса тышкайӧз бӧр косісны асланыс чукӧртчанінӧ, израильса юрнуӧдысьяс шуисны: «Мый понда Господь талун лэдзис филистимсаяслы вермыны миянӧс? Мунамӧй да ваямӧй Силом карысь Господьлысь Йитӧд кудсӧ. Кудйыс кӧ лоӧ миян ордын, сійӧ мездас миянӧс вӧрӧг киысь».