Левит 26:1 - Коми Библия 2023

¹ «Энӧ вӧчӧй бӧлбанъясӧс, энӧ сувтӧдӧй из сюръяяс да серпасалӧм изъяс, медым налы юрбитны. Ме – Господь, тіян Енныд.

Левит 26:1 Kruisverwysings

Ӧксыяслӧн 4 небӧг 17:10

Быд джуджыд мыльк вылӧ да быд пашкыр пу улӧ найӧ сувтӧдалісны юрбитан изъяс да юрбитан пуяс.

Ӧксыяслӧн 4 небӧг 17:16

Найӧ кежисны Господьлӧн, асланыс Енлӧн, тшӧктӧмъясысь, вӧчисны аслыныс кык зарни ӧшкӧс, сувтӧдісны юрбитан пуяс, юрбитісны енэжвыв вынъяслы да Вааллы.

Ӧксыяслӧн 4 небӧг 17:8

олісны израильса ӧксыяс моз да сійӧ войтыръясыс моз, кодъясӧс Господь коркӧ вӧтліс Израиль войтыр водзысь.

Псалтыр 97:7

Мед шызяс саридзыс да ставыс, мый сэні эм, мед шызяс муыс да став сэні олысьыс.

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Петӧм 20:23

Энӧ вӧчӧй аслыныд эзысь да зарни енъясӧс.

Петӧм 23:24

Энӧ копрасьӧй-юрбитӧй налӧн енъяслы, энӧ олӧй на моз. Бырӧдӧй налысь енъяссӧ, жуглӧй налысь юрбитан изъяссӧ.

Петӧм 34:17

Энӧ сывдӧй аслыныд бӧлбанъясӧс.

Исай 2:20

Сійӧ лунӧ мортыс босьтас зарниысь да эзысьысь вӧчӧм идолъясӧс, кодъясӧс сійӧ вӧчис копрасьӧм вылӧ, да шыбитас найӧс вурдысьяслы да борда шыръяслы.

Левит 19:4

Энӧ юрбитӧй идолъяслы, энӧ сывдӧй-вӧчӧй аслыныд бӧлбанъясӧс. Ме – Господь, тіян Енныд.

Левит 25:55

ӧд Израиль пиян – Менам кесйӧгъяс. Ме петкӧді найӧс Египет муысь. Ме – Господь, тіян Енныд».

Левит 7:33

Коді Ааронсянь чужысьяс пӧвстысь висьпуктанін вылын вайӧ вись пыдди бурасян висьлысь вирсӧ да госсӧ, сылы вичмӧ веськыдладор задвыв яйыс.

Лыд 33:52

вӧтлӧй сэтысь став олысьсӧ. Жуглӧй налысь серпасалӧм изъяссӧ, сывдӧмӧн вӧчӧм бӧлбанъяссӧ да вись ваян мылькъяссӧ.

Ап. уджъяс 17:29

Ми кӧ Енсянь чужысьяс, миянлы оз ков ӧткодявны Енсӧ зарни, эзысь либӧ изйысь вӧчӧмторъяскӧд, мый мӧвпыштӧма ачыс мортыс да вӧчӧма аслас кужысь киӧн.

Индӧд 27:15

”Ёрӧм улӧ веськалӧ быдӧн, коді сывдӧмӧн либӧ мӧд ногӧн вӧчӧ бӧлбанӧс – Господьлы зывӧкторйӧс – да гусяинын юрбитӧ сылы”. И став войтырыс мед шуас: ”Мед лоӧ тадзи!”

Индӧд 5:6

”Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Ёрдысьяс 18:30

Дансянь чужысьяс сувтӧдісны ас орданыс бӧлбанӧс. Мӧисейлӧн Гершом пиыслӧн Ионафан пиыс да сылӧн пияныс кесъялісны Дан чужанкотырлы попъясӧн, кытчӧдз Израиль войтырӧс эз ло нуӧдӧма пленӧ.