Левит 24:14 - Коми Библия 2023

¹⁴ «Петкӧд тайӧ омӧльтысьсӧ чомъяс сайӧ. Найӧ, кодъяс кывлісны сылысь омӧльтӧмсӧ, мед пуктыласны кинысӧ сылы юр вылас. Сэсся став войтырыс мед изъялас сійӧс.

Левит 24:14 Kruisverwysings

Ӧксыяслӧн 3 небӧг 21:10

Навотлы воча пуксьӧдӧй кык шогмытӧм мортӧс. Найӧ мед шуасны: ”Тэ омӧльтін Енмӧс да ӧксыӧс”. Та бӧрын петкӧдӧй сійӧс карсьыс да кувтӧдзыс изъялӧй».

Левит 13:46

Кытчӧдз мортыс висьӧ проказаӧн, сійӧ пеж. Сылы колӧ овны торйӧн, чомъяс сайын.

Левит 20:2

«Висьтав Израиль пиянлы: мед виасны мортӧс, коді сетас ныв-писӧ Молок идоллы. Израиль войтыр мед изъялас тайӧ мортсӧ, Израиль войтырысь-ӧ сійӧ либӧ йӧз муысь локтысь.

Левит 20:27

Кулӧмаӧс корысьӧс да тунасьысьӧс колӧ вины, ань-ӧ сійӧ либӧ айлов. Сійӧс мед изъяласны, сійӧ ачыс лоӧ мыжа аслас кулӧмысь».

Левит 24:13

Господь шуис Мӧисейлы:

Иоан 8:59

Сэки найӧ босьтісны изъяс да кӧсйисны лыйлыны Исусӧс, но Исус саймовтчӧмӧн петіс крамсьыс да муніс сэтысь.

Индӧд 17:5

сэки сійӧс вӧчысь айловӧс либӧ аньӧс вайӧдӧй карса дзиръя дорӧ да изъялӧй кувтӧдзыс.

Индӧд 17:7

Медводз мед изнас лыйӧны аддзылысь-висьталысьяс, а на бӧрын – мукӧдыс. Бырӧдӧй лёксӧ ас пӧвстсьыныд».

Индӧд 21:21

Карса олысьяс мед изъяласны сійӧс кувтӧдзыс. Бырӧдӧй лёксӧ ас пӧвстсьыныд. Став Израиль войтыр мед кылас та йылысь да кутас повны.

Индӧд 22:21

сэки аньсӧ мед вайӧдасны бать керка ӧдзӧс дорас, и карса айулов мед изъяласны сійӧс кувтӧдзыс. Ӧд бать керкаын олігас сійӧ кырсалӧмнас шогмытӧмтор вӧчис Израильын. Бырӧдӧй лёксӧ ас пӧвстсьыныд.

Нав Исус 7:25

Исус шуис: «Сыысь, мый тэ вайин миянлы шог, Господь вайӧ талун шогсӧ тэныд». Израильсаяс изъялісны Аканӧс да сылысь котырсӧ, сэсся сотісны да тыртісны изъясӧн.