Левит 23:3 - Коми Библия 2023

³ Квайт лун уджалӧй, а сизимӧд луныс мед лоӧ шойччан лун. Сэки тіян мед лоас вежа чукӧртчӧм, некутшӧм удж энӧ вӧчӧй. Тайӧ луныс мед лоӧ Господьлы сиӧм шойччан лун быдлаын, кӧні кутанныд овны».

Левит 23:3 Kruisverwysings

Петӧм 16:23

Сійӧ вочавидзис: «Господь висьталіс, мый аски шойччан лун – Господьлӧн вежа шойччан лун. Талун пӧжалӧй, мый кӧсъянныд пӧжавны, да пуӧй, мый кӧсъянныд пуны, а мый онӧ сёйӧй, кольӧй аски кежлӧ».

Петӧм 16:29

Видзӧдӧй, Господь сетіс тіянлы шойччан лун, та вӧсна квайтӧд лунӧ Сійӧ сетӧ тіянлы няньсӧ кык лун кежлӧ. Сизимӧд лунӧ мед некод оз пет аслас оланінысь».

Петӧм 16:30

Сизимӧд луннас войтырыс шойччис.

Петӧм 23:12

Квайт лун уджав, а сизимӧд луннас шойччы. Тэнад ӧшкыд да осёлыд мед шойччасны. Кесйӧг аньыдлӧн пиыс да йӧз муысь локтысь мед тшӧтш шойччасны.

Петӧм 34:21

Квайт лун уджав, а сизимӧд луннас шойччы. Пасйы шойччан лун весиг гӧра-кӧдза кадӧ и вундан кадӧ.

Исай 56:2

Шуда сійӧ мортыс, коді олӧ веськыда, коді кутчысьӧ веськыдлунас, коді пыдди пуктӧ шойччан лун, оз пежав сійӧс, коді видзӧ ассьыс кисӧ лёк вӧчӧмысь.

Исай 56:6

Йӧз муысь локтысьясӧс, кодъяс йитчисны Господькӧд, кодъяс кесъялӧны да радейтӧны Сійӧс, кодъяс лоӧны Господьлӧн кесйӧгъясӧн, ставнысӧ, кодъяс пыдди пуктӧны шойччан лун, оз пежавны сійӧс, а кутчысьӧны Менам йитӧдӧ,

Исай 58:13

Тэ кӧ видзан коктӧ шойччан лун торкӧмысь, он кӧ ов аслад кӧсйӧм серти Менам вежа лунӧ, шуан кӧ шойччан лунсӧ олан гажӧн, пыдди пуктан кӧ Господьлысь вежа лунсӧ, видзан кӧ асьтӧ быдлунся удж вӧчӧмысь, ас кӧсйӧм серти олӧмысь да нинӧм абусӧ сёрнитӧмысь,

Левит 19:3

Пыдди пуктӧй бать-мамнытӧ. Видзӧй Менсьым шойччан лунӧс. Ме – Господь, тіян Енныд.

Лука 13:14

Шойччан лунӧ висьысьӧс бурдӧдӧмыс скӧрмӧдіс синагогаса юралысьӧс. Сійӧ шуис йӧзыслы: «Вежонас квайт лун сетӧма уджавнысӧ, сэки локтӧй бурдӧдчынытӧ, а энӧ шойччан лунӧ».

Лука 23:56

Дзебанінысь воӧм бӧрын аньяс дасьтісны чӧскыд дука мавтасъяс, а шойччан лунӧ Индӧд серти найӧ шойччисны.

Ап. уджъяс 15:21

Мӧисейлысь Индӧдсӧ ӧд важысянь висьталӧны быд карын да быд шойччан лунӧ лыддьӧны синагогаын».

Восьтӧм 1:10

Господьлӧн лунӧ ме вӧлі тырӧма Лолӧн. Сэки мыш сайсянь ме кылі гора шы, тайӧ вӧлі труба шы кодь. Сійӧ шуис: «Ме эм Альфа и Омега, Медводдзаыс и Медбӧръяыс.