Левит 22:9 - Коми Библия 2023

⁹ Попъяс мед кутчысясны Менам тшӧктӧмъясӧ. А оз кӧ, найӧ лоӧны мыжаӧсь да куласны. Ме – Господь [Ен], найӧс Вежӧдысь.

Левит 22:9 Kruisverwysings

Петӧм 28:43

Аарон да сылӧн пияныс мед новласны тайӧ паськӧмсӧ вежа чомйӧ пыригӧн либӧ висьпуктанін дорӧ матыстчигӧн, медым вежаинын кесъялігӧн найӧ эз кыскыны ас выланыс мыж да эз кувны. Ааронлы да сысянь чужысьяслы тайӧ тшӧктӧмыс лоӧ пыр кежлӧ».

Левит 16:13

Тшынӧдчанторсӧ Аарон мед пуктас Господь водзӧ би вылӧ. Сэки тшыныс вевттяс Йитӧд кудлысь вевтсӧ, и Аарон оз кув.

Левит 16:2

Господь шуис Мӧисейлы: «Висьтав Аарон вокыдлы, мый сылы оз позь быд кадӧ пырны Вежаинын ӧшалысь дӧра сайӧ, Йитӧд куд водзӧ [мыж лэдзанін водзӧ], медым сійӧ эз кув. Ӧд Йитӧд куд вевт весьтас Ме кута петкӧдчыны кымӧр пытшкын.

Левит 18:30

Олӧй Менам тшӧктӧмъяс серти, а энӧ тіянӧдз олысьяслӧн зывӧк оласног серти. Энӧ пежалӧй асьнытӧ налӧн кодь оласногӧн. Ме – Господь, тіян Енныд».

Левит 22:16

Попъяс мед оз торкны вежа вайӧмторъяс сёйӧм йылысь тшӧктӧмсӧ, медым Израиль войтыр эз мыжмы, ӧд Ме – Господь, вайӧмторъяссӧ Вежӧдысь».

Лыд 18:22

Вежа чом дорӧ Израиль пиянлы матыстчыны оз позь, медым найӧ эз мыжмыны да эз кувны.

Лыд 18:32

Ті кӧ сетанныд Господьлы медбурсӧ сыысь, мый вайӧны Израиль пиян, ті онӧ пежалӧй налысь вежа вайӧмторъяссӧ, онӧ лоӧй мыжаӧсь да онӧ кулӧй».

Матвей 23:17

Синтӧмъяс да мывкыдтӧмъяс! Мый ыджыдджык: зарниыс али зарнисӧ вежӧдысь крамыс?

Индӧд 11:1

«Радейтӧй Господьӧс, ассьыныд Ентӧ, да олӧй Сылӧн индӧд-тшӧктӧмъяс серти став олан лунъяс чӧжныд.