Левит 22:20 - Коми Библия 2023

²⁰ Энӧ вайӧй Господьлы вись пыдди пемӧсӧс, кодлӧн эм кутшӧмкӧ тырмытӧмтор. А ваянныд кӧ, ті онӧ лоӧй шогманаӧсь Господьлы.

Левит 22:20 Kruisverwysings

Езекиль 45:18

«Господь Ыджыдыс тадзи висьталӧ: медводдза тӧлысьлӧн медводдза лунӧ босьтӧй дзоньвидза ӧшкӧс, медым сӧстӧммӧдны вежаин

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Левит 22:24

Пемӧсӧс, кодлӧн тобоньыс доймӧма, лямалӧма, орӧма либӧ вундӧма, Господьлы вись пыдди энӧ вайӧй. Асланыд муын татшӧмторсӧ энӧ вӧчӧй.

Левит 22:25

Доймӧм пемӧсӧс либӧ пемӧсӧс, кодлӧн эм тырмытӧмтор, мукӧд войтырлысь энӧ ньӧбӧй, медым вись пыдди вайны асланыд Енлы. А ваянныд кӧ, ті онӧ лоӧй шогманаӧсь Господьлы».

Левит 3:1

«Бурасян вись пыдди кӧ кодкӧ вайӧ ӧшкӧс либӧ мӧскӧс, мед вайӧдас дзоньвидзаӧс да сувтӧдас сійӧс Господь водзӧ.

Левит 3:6

Господьлы бурасян вись пыдди кӧ кодкӧ вайӧ ыж либӧ кӧза, айӧс либӧ эньӧс, мед ваяс дзоньвидзаӧс.

Малакий 1:8

Кор вись пыдди ваянныд синтӧм пемӧсӧс, абу-ӧ тайӧ лёктор? Чотысь да висьысь пемӧсӧс кор ваянныд, абу-ӧ тайӧ лёктор? Нуан кӧ татшӧм козинсӧ аслад юралысьлы, пондас-ӧ сійӧ нимкодясьны, сибӧдас-ӧ тэнӧ бурпырысь? – висьталӧ Господь Саваоф.

Лыд 19:2

«Тайӧ тшӧктӧмыс Господьсянь. Висьтав Израиль пиянлы, мед вайӧдасны тэ дінӧ дзоньвидза гӧрд мӧскӧс, кодлӧн абу некутшӧм тырмытӧмтор да коді сийӧс улын эз на вӧвлы.

Лыд 29:8

Господьлы чӧскыда ӧвтысь сотан вись пыдди вайӧй ӧшкӧс, межӧс да арӧса сизим баляӧс, найӧ мед вӧліны дзоньвидзаӧсь.

Индӧд 15:21

Но пемӧсныд кӧ абу дзоньвидза, сійӧ кӧ чотысь, синтӧм либӧ сылӧн кӧ эм мӧдпӧлӧс ыджыд тырмытӧмтор, татшӧмсӧ Господьлы, асланыд Енлы, энӧ вайӧй.

Индӧд 17:1

«Господьлы, асланыд Енлы, вись пыдди энӧ вайӧй висьлӧс-доймӧм ӧшкӧс либӧ ыжӧс, ӧд Господьлы, тіян Енлы, тайӧ зывӧк.

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

1 Петыр 1:19

Тіянӧс ньӧбӧма Кристослӧн дона вир вылӧ, тыр-бур да сӧстӧм Балялӧн вир вылӧ.