Левит 22:13 - Коми Библия 2023

¹³ Сійӧ кӧ коляс дӧваӧн либӧ верӧсыс эновтас сійӧс, и ныв-пиыс сылӧн абу, и сійӧ кӧ бӧр овмӧдчас чужан керкаас, сэки мед сёяс сійӧ жӧ, мый сёйӧ батьыс. Но бокыса морт мед оз сёй вежа вайӧмторъяс.

Левит 22:13 Kruisverwysings

Олӧм 38:11

Иуда шуис Фамар моньыслы: «Мун овны дӧваӧн бать керкаад да виччысь Шелай пиӧйлысь быдмӧмсӧ». Шуис тадзи, ӧд поліс, мый Шелай вокъясыс моз кулас. Фамар бӧр муніс овны бать ордас.

Ездра 2:63

Медыджыд юралысь шуис, мый налы оз ков сёйны вежа вись, кытчӧдз оз лок поп, коді пудъясяс урим да туммим отсӧгӧн.

Петӧм 12:43

Господь шуис Мӧисейлы да Ааронлы: «Ыджыдлунся баля йылысь тшӧктӧмыс татшӧм. Оз позь сёйны сійӧс йӧз муысь локтысьяслы.

Петӧм 29:33

Налы колӧ сёйны тайӧ висьсӧ, ӧд сійӧс вайӧма налысь мыжсӧ вештӧм могысь. Тадзи найӧс лоӧ вежӧдӧма, и найӧ вермасны кесъявны попъясӧн. Тайӧ – вежатор, бокысалы сійӧс сёйнысӧ оз позь.

Езекиль 44:8

Меным сиӧм вежаторъяс вӧсна онӧ асьныд тӧждысьӧй, а пуктанныд йӧз муысь локтысьясӧс кесъявны Менам вежаинын.

Левит 10:14

Пыркӧдан вись пыдди вайӧм морӧсвыв яйсӧ да кыпӧдлан вись пыдди вайӧм задвыв яйсӧ сёйӧй ныв-пиныдкӧд сӧстӧминын, ӧд Израиль пиянлӧн бурасян висьлысь тайӧ юкӧнъяссӧ Господь индіс тэныд да тэсянь чужысьяслы.

Левит 22:10

Бокыса мортлы вежа вайӧмторъяс сёйны оз позь. Поп ордӧ овмӧдчӧм либӧ медалӧм морт мед оз сёйны вежа вайӧмторъяс.

Левит 22:12

Поплӧн нылыс кӧ петас верӧс сайӧ, но оз поп сайӧ, нывлы оз нин позь сёйны вежа вайӧмторъяс.

Индӧд 24:2

Аньыс кӧ верӧс керкасьыс мунӧм бӧрын петас мӧд сайӧ,

Ӧксыяслӧн 1 небӧг 21:7

Вежаинын сэки вӧлі Сауллӧн Доик нима кесйӧг, сійӧ вӧлі Эдомысь. Сійӧ веськӧдліс Саул ордын ыж-мӧс видзысьясӧн.