Левит 21:6 - Коми Библия 2023

⁶ Аслас Ен водзын поп мед лоас вежа. Мед оз янӧд аслас Енлысь нимсӧ, ӧд сійӧ вись вайӧ Господьлы, нянь – аслас Енлы. Та вӧсна сылы колӧ лоны вежаӧн.

Левит 21:6 Kruisverwysings

Ездра 8:28

Ме шуи налы: «Тіянӧс вежӧдӧма Господьлы. Дозмук-кӧлуйыс тшӧтш вежа, эзысь-зарниыс – войтырыслӧн ас кӧсйӧм серти вайӧм козин Господьлы, тіян батьяслӧн Енлы.

Петӧм 19:22

А попъяслы, кодъяс кӧсйӧны матыстчыны Господь [Ен] дінӧ, колӧ вежӧдны-сӧстӧммӧдны асьнысӧ, медым Господь эз бырӧд найӧс».

Петӧм 28:36

Весалӧм зарниысь вӧч пӧвтор да вундалӧмӧн гиж сэтчӧ ”вежӧдӧма-торйӧдӧма Господьлы”.

Петӧм 29:44

Ме вежӧда вежа чомсӧ да висьпуктанінсӧ, вежӧда тшӧтш Ааронӧс да сылысь пиянсӧ, медым найӧ попъясӧн кесъяласны Меным.

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Езекиль 44:7

Ті вайӧданныд Менам вежаинӧ йӧз муысь локтысьясӧс, сьӧлӧмнас да вир-яйнас вундыштчытӧмъясӧс. На дырйи Меным гос да вир вайӧмӧн ті пежаланныд Менсьым крамӧс. Асланыд пеж уджъясӧн ті торканныд йитӧдӧс, мый Ме кӧрталі тіянкӧд.

Левит 10:3

Мӧисей шуис Ааронлы: «Господь ӧд та йылысь висьталіс, кор шуис: ”Ассьым вежалунӧс Ме петкӧдла Ас бердын кесъялысьяс пыр, Ассьым дзирдлунӧс петкӧдла войтырлы”». Аарон чӧв оліс.

Левит 18:21

Ныв-питӧ эн вай вись пыдди Молок идоллы, эн янӧд аслад Енлысь нимсӧ. Ме – Господь.

Левит 19:12

Менам нимӧн пӧръясьӧмӧн энӧ сетӧй кывнытӧ, медым энӧ янӧдӧй Менсьым нимӧс. Ме – Господь, тіян Енныд.

Левит 20:3

Тайӧ мортыслы Ме паныд сувта, бырӧда сійӧс войтыр пӧвстысь сы понда, мый ассьыс кагасӧ Молок идоллы сетіс. Тайӧн сійӧ Менсьым вежаинӧс пежаліс да Менсьым вежа нимӧс янӧдіс.

Левит 21:17

«Висьтав Ааронлы, мый сысянь чужысьяс пӧвстысь морт, кодлӧн вир-яяс эм тырмытӧмтор, мед оз матыстчы вись вайны аслас Енлы.

Левит 21:21

Аарон попсянь чужысь, кодлӧн вир-яяс эм тырмытӧмтор, мед оз матыстчы вись вайны Господьлы. Вир-яйын тырмытӧмтор вӧсна сылы оз позь матыстчыны, медым вись вайны аслас Енлы.

Левит 21:23

Но аслас тырмытӧмтор вӧсна сылы оз позь пырны Вежаинӧ либӧ матыстчыны висьпуктанін дорӧ, медым эз пежав Менсьым вежаинӧс. Ме – Господь, попъясӧс Вежӧдысь».

Левит 21:8

Вежавидзӧмӧн пыдди пуктӧй попӧс, ӧд сійӧ вись вайӧ [Господьлы] тіян Енлы. Поп мед лоас тіянлы вежа, ӧд Ме вежа. Ме – Господь, тіянӧс Вежӧдысь.

Левит 3:11

Поп мед сотас тайӧс висьпуктанін вылын. Тайӧ лоӧ Господьлы сотан вись.

Лыд 16:5

Сэсся Корейлы да сылӧн йӧзыслы шуис: «Аски Господь петкӧдлас, коді вежа, коді Сылӧн, да кодлы Сійӧ лэдзӧ матыстчыны Ас дінас. Кодӧс Господь бӧръяс, сійӧс и лэдзас матыстчыны Ас дінас.

Лыд 28:2

«Висьтав Израиль пиянлы: ас кадӧ вайӧй Меным чӧскыда ӧвтан висьяс, Менсьым няньӧс.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.