Левит 21:23 - Коми Библия 2023

²³ Но аслас тырмытӧмтор вӧсна сылы оз позь пырны Вежаинӧ либӧ матыстчыны висьпуктанін дорӧ, медым эз пежав Менсьым вежаинӧс. Ме – Господь, попъясӧс Вежӧдысь».

Левит 21:23 Kruisverwysings

Неемий 13:29

Казьтышт налы, Енмӧй, мый найӧ пежалісны поп чинсӧ и торкисны йитӧдтӧ, мый Тэ кӧрталін попъяскӧд да левитъяскӧд.

Левит 15:31

Велӧдӧй Израиль войтырӧс видзчысьны пежысь, медым эз кувны Менсьым оланінӧс пежалӧм вӧсна».

Левит 19:2

«Висьтав став Израиль войтырлы: лоӧй вежаӧсь, ӧд Ме вежа. Ме – Господь, тіян Енныд.

Левит 20:7

Вежӧдӧй-сӧстӧммӧдӧй асьнытӧ, лоӧй вежаӧсь, ӧд Ме – Господь, тіян Енныд. [Ме вежа.]

Левит 21:12

Кулӧм морт вӧсна мед оз пет вежаинысь, медым эз пежав аслас Енлысь вежаинсӧ, ӧд сійӧс вежӧдӧма Енлӧн мавтыштан выйӧн. Ме – Господь.

Левит 21:22

Но сылы позьӧ сёйны Енлы вись пыдди вайӧм вежатор да вежасьыс-вежатор.

Левит 21:24

Мӧисей висьталіс тайӧс Ааронлы, сылӧн пияныслы да став Израиль пиянлы.

Левит 21:6

Аслас Ен водзын поп мед лоас вежа. Мед оз янӧд аслас Енлысь нимсӧ, ӧд сійӧ вись вайӧ Господьлы, нянь – аслас Енлы. Та вӧсна сылы колӧ лоны вежаӧн.

Левит 22:16

Попъяс мед оз торкны вежа вайӧмторъяс сёйӧм йылысь тшӧктӧмсӧ, медым Израиль войтыр эз мыжмы, ӧд Ме – Господь, вайӧмторъяссӧ Вежӧдысь».

Матвей 23:17

Синтӧмъяс да мывкыдтӧмъяс! Мый ыджыдджык: зарниыс али зарнисӧ вежӧдысь крамыс?