Левит 20:16 - Коми Библия 2023

¹⁶ Аньӧс пемӧскӧд узьӧмысь колӧ вины, пемӧссӧ тшӧтш колӧ вины. Мед найӧс виасны, найӧ асьныс лоӧны мыжаӧсь асланыс кулӧмысь.

Левит 20:16 Kruisverwysings

Петӧм 19:13

Морт-ӧ, пемӧс-ӧ инмӧдчылас, ловйӧн сійӧс энӧ кольӧй. Кинад сійӧс энӧ виӧй, но изъялӧй либӧ лыйӧй ньӧввужйӧн. Кор кылас буксан шы, [кор кымӧрыс вешъяс керӧс весьтысь,] сэки войтырыс вермас кайны керӧсӧ».

Петӧм 21:28

«Айловӧс либӧ аньӧс кувмӧныс люкалысь ӧшкӧс изъялӧй. Сылысь яйсӧ энӧ сёйӧй. Кӧзяиныс абу мыжа.

Петӧм 21:32

Ӧшкыс кӧ кувмӧныс люкалас кесйӧгӧс либӧ кесйӧг аньӧс, сэки ӧшлӧн кӧзяиныс мед вештас кесйӧглӧн ыджыдыслы комын сикель эзысь, а ӧшсӧ изъялӧй.

Петӧм 22:19

Быдӧнӧс, коді узьлӧ пемӧскӧд, колӧ вины.

Левит 18:23

Пемӧскӧд эн узьлы анькӧд моз, эн пежав асьтӧ. Ань мед оз узьлы пемӧскӧд айловкӧд моз. Тадзи вӧчӧмыс – зывӧк.

Левит 20:15

Айловӧс пемӧскӧд узьӧмысь колӧ вины, пемӧссӧ тшӧтш колӧ вины.

Левит 20:17

Босьтас кӧ кодкӧ гӧтырӧ чойсӧ, батьыслысь нывсӧ либӧ мамыслысь нывсӧ да узяс сыкӧд, тайӧ яндысьтӧмтор. Найӧс мед бырӧдасны войтыр пӧвстысь. Чойыскӧд узьӧмысь мортыс лоӧ мыжа.

Еврейяслы 12:20

Ӧд найӧ эз вермыны кывзыны татшӧм тшӧктӧмсӧ: «Весиг пемӧс кӧ инмӧдчас тайӧ керӧсас, сійӧс лоӧ виӧма изъясӧн либӧ ньӧвйӧн».