1 Господь шуис Мӧисейлы:
Коді кутас торкавны тэнад Енлысь Индӧдсӧ да ӧксылысь тшӧктӧмсӧ, сійӧс мед дзик пыр мыждасны: виасны либӧ вӧтласны аслас муысь, овмӧс-эмбурсӧ босьтасны либӧ пуксьӧдасны дзескыдінӧ».
Бен-Хинном ковтысын найӧ лэптісны Тофет нима вись ваян мыльк, медым сотны сэні ассьыныс ныв-пинысӧ. Но тайӧс Ме эг тшӧктывлы вӧчнысӧ, тайӧ Меным абу сьӧлӧм серти.
Тэ виалін Менсьым ныв-пиӧс да сотін найӧс вись пыдди идолъяслы.
Кутчысьӧй Менам индӧд-тшӧктӧмъясӧ, олӧй на серти. Ме – Господь [тіян Енныд]».
«Висьтав Израиль пиянлы: мед виасны мортӧс, коді сетас ныв-писӧ Молок идоллы. Израиль войтыр мед изъялас тайӧ мортсӧ, Израиль войтырысь-ӧ сійӧ либӧ йӧз муысь локтысь.
Шогмана-ӧ лоӧ Господьлы, вая кӧ сюрс межӧс, вая кӧ ю моз визувтысь олив вый? Сета ӧмӧй ассьым медводдза чужысьӧс лёк вӧчӧмӧй вӧсна, сьӧлӧмувса кагаӧс – мыжӧй вӧсна?
Понданныд кӧ повны Господьысь, кесъявны Сылы, кывзыны Сійӧс, да онӧ кӧ кутӧй пыксьыны Сылӧн тшӧктӧмъяслы, но понданныд тіян вылын ыджыдалысь ӧксыныдкӧд ветлыны асланыд Господь Енлӧн туйӧд, сэки Господь доръяс тіянӧс.
