Левит 2:2 - Коми Библия 2023

² Сэсся пызьсӧ мед ваяс попъяслы, Ааронсянь чужысьяслы. Олив выйӧн гудралӧм пызьсьыс поп мед босьтас китыр пызь став ладаннас да сотас сійӧс висьпуктанін вылын. Тайӧ лоӧ казьтылан вись, Господьлы чӧскыд ӧвтантор.

Левит 2:2 Kruisverwysings

Неемий 13:14

Енмӧй, казьтышт менӧ тайӧторсьыс! Эн вунӧд Тэнад крамыд вӧсна да сэні кесъялӧм вӧсна тӧждысьӧмӧс.

Неемий 13:22

Левитъяслы ме тшӧкті сӧстӧммӧдчыны, сэсся мунны да видзны дзиръяяс, медым шойччан лунсӧ вӧлі вежӧдӧма. Енмӧй, казьтышт менӧ тайӧ вӧчӧмторсьыс! Аслад ыджыд буралӧмыд кузя ло бур сьӧлӧма ме дінӧ!

Петӧм 30:16

Босьт Израиль пиянлысь ас понданыс вештысян эзысьсӧ да вӧдитчы сыӧн вежа чомйын кесъялӧм могысь. Израиль пиянлы тайӧ лоӧ Господь водзын казьтыланпасӧн, мый найӧс ньӧбӧма».

Исай 66:3

Ӧшкӧс начкысь да вись пыдди вайысь [коді торкӧ Индӧдсӧ] морт виысь кодь, ыжӧс вись пыдди вайысь понлысь голясӧ песовтысь кодь, нянь вись вайысь порсьлысь вирсӧ вись пыдди вайысь кодь, казьтылан вись пыдди чӧскыд ӧвтанторъяс тшынӧдысь идоллы копрасьысь кодь. Найӧ бӧрйисны ассьыныс туйнысӧ, найӧ радейтӧны пежсӧ вӧчны.

Левит 1:13

Ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 1:17

Гулюӧс бордъясӧдыс кутӧмӧн мед вожӧдас, но оз торйӧд кык пельӧ, сэсся мед пуктас сійӧс висьпуктанінӧ сотчысь пес вылӧ. Тайӧ лоӧ сотан вись, Господьлы чӧскыд ӧвтантор».

Левит 1:9

Ӧшлысь ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 2:16

Поп мед босьтас мыйтакӧ нырӧм тусь да олив вый, тшӧтш став ладансӧ, да сотас казьтылан вись пыдди Господьлы».

Левит 2:9

Сэсся поп мед босьтас тайӧ нянь висьсьыс юкӧн да сотас сійӧс висьпуктанін вылын. Тайӧ лоӧ казьтылан вись, Господьлы чӧскыд ӧвтантор.

Левит 24:7

Нянь вылас пукты сӧстӧм ладан [да сов]. Тайӧ лоӧ казьтылан вись, Господьлы сотан вись.

Левит 4:31

Мед перъялас кӧзалысь став госсӧ бурасян висьлысь госсӧ моз да сотас висьпуктанін вылын. Тайӧ лоӧ Господьлы чӧскыда ӧвтан вись. Тадзи поп вештас вись вайысьлысь мыжсӧ, и сійӧс лоӧ прӧститӧма.

Левит 5:11

Коді гӧльлун вӧсна оз вермы вайны кык гулюӧс либӧ кык гулюпиӧс, аслас мыжысь вись пыдди мед ваяс шобді пызь – ефалысь дасӧд юкӧнсӧ. Пызяс мед оз кисьт олив вый, пызь вылӧ мед оз пукты ладан, ӧд тайӧ мыжысь вись.

Левит 5:12

Пызьсӧ мед ваяс поплы, а поп мед босьтас китыр пызь да сотас сійӧс висьпуктанін вылын Господьлы казьтылан вись пыдди. Вайӧм шобді пызьыс лоӧ мыжысь вись.

Левит 6:15

Тайӧ вайӧмторсьыс поп мед босьтас китыр пызь да олив вый, тшӧтш став ладансӧ, да сотас сійӧс висьпуктанін вылын. Тайӧ лоӧ казьтылан вись, Господьлы чӧскыд ӧвтантор.

Лыд 5:18

Господь водзӧ аньӧс сувтӧдӧм бӧрын поп мед пӧрччӧдас аньлысь юрвевттьӧдсӧ да сетас сылы киас кутны казьтылан вайӧмторсӧ – вежӧгтӧмысь вайӧм нянь висьсӧ. Поп мед босьтас киас ёрӧмсӧ вайысь курыд ва

Лыд 5:26

Поп мед босьтас вайӧм нянь висьысь китыр пызь да сотас сійӧс казьтылан вись пыдди висьпуктанін вылын. Та бӧрын мед юкталас аньсӧ.

Ап. уджъяс 10:4

Повзьӧмпырысь андел вылӧ видзӧдлӧмӧн Корнилий шуис: «Мый, Ыджыдӧй?» Андел шуис сылы: «Енмыс кылӧма тэнсьыд кевмысьӧмтӧ да аддзӧма гӧльяслы отсасьӧмтӧ.