Левит 2:10 - Коми Библия 2023

¹⁰ А нянь висьлӧн колясыс мед лоӧ Ааронлы да сысянь чужысьяслы. Господьлы вайӧм висьлӧн тайӧ юкӧныс – вежасьыс-вежатор.

Левит 2:10 Kruisverwysings

2 Каднебӧг 31:14

Коре нима левит, Имнайлӧн пиыс, асыввыв дзиръя видзысь, тӧждысис войтырлӧн ас кӧсйӧм серти Енлы вайӧмторъяс вӧсна, юкліс попъяслы вежасьыс-вежаторъяс да Господьлы вайӧм козинъяс.

Ездра 2:63

Медыджыд юралысь шуис, мый налы оз ков сёйны вежа вись, кытчӧдз оз лок поп, коді пудъясяс урим да туммим отсӧгӧн.

Езекиль 44:29

Найӧ мед пӧткӧдчасны нянь висьясӧн, мыжысь висьясӧн да мыж вештан висьясӧн. Тшӧтш ставыс, мый Израильын сиӧма Меным, вичмӧ попъяслы.

Езекиль 46:20

морт шуис меным: «Тані попъяс мед пуӧны мыж вештан вись пыдди да мыжысь вись пыдди вайӧм пемӧсъяслысь яйсӧ. Тані мед пӧжалӧны нянь вись. Яйсӧ да няньсӧ мед оз петкӧдны ортсы йӧрӧ, медым тайӧ вежаторъяснас эз инмыны войтырыс дінӧ да тадзи эз вежӧдны найӧс».

Левит 10:12

Мӧисей висьталіс Ааронлы да сылӧн ловйӧн кольӧм Элазар да Итамар пияныслы: «Босьтӧй Господьлы вайӧм нянь висьлысь коляссӧ, пӧжалӧй сійӧс шоммӧдтӧг да сёйӧй висьпуктанін дорын, ӧд тайӧ – вежасьыс-вежатор.

Левит 14:13

Поп мед начкас межсӧ сэні, кӧні начкӧны мыжысь вись да сотан вись. Мыж вештан висьыс лоӧ поплы, кыдзи и мыжысь вись. Тайӧ – вежасьыс-вежатор.

Левит 2:3

А нянь висьлӧн колясыс мед лоӧ Ааронлы да сысянь чужысьяслы. Господьлы вайӧм висьлӧн тайӧ юкӧныс – вежасьыс-вежатор.

Левит 21:22

Но сылы позьӧ сёйны Енлы вись пыдди вайӧм вежатор да вежасьыс-вежатор.

Левит 5:13

Тадзи поп вештас вись вайысьлысь мыжсӧ, и сійӧс лоӧ прӧститӧма. Коляс висьыс нянь вись моз вичмӧ поплы».

Левит 6:16

А нянь висьлысь коляссӧ мед пӧжаласны шоммӧдтӧг. Аарон да сылӧн пияныс мед сёясны няньсӧ вежаинын, вежа чом йӧрын.

Левит 6:23

Поплысь нянь висьсӧ колӧ ставнас сотны, сёйнысӧ сійӧс оз позь».

Левит 6:9

«Висьтав Ааронлы да сылӧн пияныслы сотан вись йылысь тайӧ индӧдсӧ. Сотан висьыс мед войбыд сотчас висьпуктанін вылын асылӧдзыс, висьпуктанінса биыс мед куслытӧг ӧзъялас.

Левит 7:7

Мыжысь вись да мыж вештан вись йылысь индӧдыс ӧти. Вись яйыс вичмӧ поплы, коді вештас мыжа мортлысь мыжсӧ.

Лыд 18:9

Вежасьыс-вежаторйысь тэныд вичмӧ ставыс, мый оз сотны. Меным вайӧм нянь висьысь, мыжысь висьысь да мыж вештан висьысь вежасьыс-вежаторйыс лоӧ тэныд да пияныдлы.

Ӧксыяслӧн 1 небӧг 2:28

Ме бӧрйи тэнсьыд рӧдтӧ став Израиль чужанкотырысь да пукті найӧс попъясӧн, медым найӧ кесъялісны Меным висьпуктанін дорын, тшынӧдісны чӧскыд ӧвтанторъяс да новлісны ефод Ме водзын. Ме тшӧкті, мед тэнад рӧдыд босьтас Израиль войтырлӧн сотӧм висьясысь юкӧн.